मरकुस 1:39 - चम्बयाली नौआ नियम

³⁹ अते से सारे गलील प्रदेश बिच, ते सभास्थल बिच जाई-जाई करी प्रचार करदा ते दुष्टात्मा कडदा रेया।

मरकुस 1:39 ပူးပေါင်းရင်းမြစ်များ

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मत्ती 9:35

तां यीशु अते तिन्हेरे चेल्‍ले गलीली जिले रे मते सारे सहर ते कस्बेयां बिच जाई करी मते सारे सभास्थल बिच उपदेस दिन्दे, परमेश्वर रे राज रे सुब बसेख रा प्रचार करदे, मणूआं री बीमारी अते हर तरह री कमजोरियां जो दुर करदे रे।

मरकुस 1:21

तां यीशु ते तिन्हेरे चेल्‍ले कफरनहूम कस्बा बिच आए, ते से तिस्सी बेल्ले विश्राम दिन सभास्थल बिच जाई करी उपदेस दैणा लग्गेया।

मरकुस 1:23

तिस्सी बेल्ले, सभास्थल बिच इक्क मणू थिया, जिस बिच इक्क दुष्टात्मा थी।

मरकुस 1:38

यीशु ने चेल्‍लेयां जो बोल्लेया, “आओ, असी होर कुसकी कस्बे बिच जान्दे ताकि मैं तित्ते भी प्रचार करां, किजोकी मैं इस तांइ ही दुनिया बिच आए रा है।”

मरकुस 3:1

फिरी कुसकी होर विश्राम दिन पर यीशु सभास्थल जो गे, उत्ते इक्क मणू थिया जिसेरा हत्थ सुक्कि गे रा थिया,

मरकुस 6:6

ते यीशु जो तिन्हा लोक्कां रे घट विश्वास पर हरानी होई, ते से चारो पास्से रे ग्रां बिच भाषण दिंदा फिरदा रेया।

मरकुस 7:30

तिस जनानी ने अपणे घरे जाई करी दिख्खेया कि कुड़ी मन्जे पर पेय री थी, अते दुष्टात्मा निकली गे री थी।

लूका 4:41

ते दुष्टात्मा भी चिन्ड्डां मारदे अते ए बोल्दे मते मणूआं बिच का निकली गेईयां, तू परमेश्वर रा पुत्तर है! पर यीशु तिन्हा जो झिड़कदे थिये ते बोलणे नी दिन्दे थिये, किजोकी से जाणदी थिया कि से मसीह यीशु हिन