मरकुस 1:32 - चम्बयाली नौआ नियम

³² सूरज डूबणे रे बाद जां विश्राम दिन मुकी गेया तां मणू सारे बिमारां जो, ते उन्हा जो, जिन्हेरे बिच दुष्टात्मा थियां, तिन्हेरे का लेई करी आए।

मरकुस 1:32 ပူးပေါင်းရင်းမြစ်များ

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

मत्ती 8:16

जां सँझ होई, तां मणू उन्हा का इदेय बड़े मणूआं जो लेई करी आये जिन्हा बिच दुष्टात्मा थी, अते उसने अपणे इक्क ही शब्द कने दुष्टात्मा जो निकाली दित्तेया इस तरिक्के कने उसने सब बिमारां जो खरा करी दित्तेया।

मत्ती 8:17

ताकि जे वचन यशायाह भविष्यद्वक्ता रे जरिए बोल्लेया गेया थिया से पूरा हो: तिसने अप्पु ही असा री कमजोरियां जो लेई लित्तेया अते असा री बमारियाँ जो चुक्की लित्तेया।

मरकुस 1:21

तां यीशु ते तिन्हेरे चेल्‍ले कफरनहूम कस्बा बिच आए, ते से तिस्सी बेल्ले विश्राम दिन सभास्थल बिच जाई करी उपदेस दैणा लग्गेया।

मरकुस 1:31

तां उन्हा ने नेड़े जाई करी उसदा हत्थ पकड़ी करी तिसजो उठाया ते उसदा बुखार उतरी गेया, ते से तिन्हेरी सेवा करणा लग्गी पेई।

मरकुस 3:2

ते किच्‍छ फरीसी मणू यीशु पर इल्जाम लाणे ताइं तिन्हेरी भाल बिच बैठ्ठे रे थिये कि दिख्खण, से विश्राम दिन तिसजो ठीक करदा की नी?

लूका 4:40

संझा बेल्ले, जिन्हेरे-जिन्हेरे घरां अन्दर मणू नेक-बनेके तरिक्के री बमारियाँ का परेशान थिये, से तिन्हा सबणी जो यीशु का लेई आये ते कन्ने ही ओ मणू भी थिये जिन्हा अन्दर दुष्टात्मा थिया यीशु ने इक्क-इक्क पर अपणा हत्थ रखेया, ते से तिस्सी बेल्ले ठीक होई गे

लूका 4:41

ते दुष्टात्मा भी चिन्ड्डां मारदे अते ए बोल्दे मते मणूआं बिच का निकली गेईयां, तू परमेश्वर रा पुत्तर है! पर यीशु तिन्हा जो झिड़कदे थिये ते बोलणे नी दिन्दे थिये, किजोकी से जाणदी थिया कि से मसीह यीशु हिन