मरकुस 1:27 - चम्बयाली नौआ नियम

²⁷ इस पर सारे मणू हैरान होई करी अपणे बिच बैह्स करणा लग्गी पे, “ए कै गल्ल? ए तां कोई नौआ उपदेस है! ओ अधिकार कने दुष्टात्मा जो भी हुकम दिंदा, ते से तिसेरा हुकम मनदी।”

मरकुस 1:27 ပူးပေါင်းရင်းမြစ်များ

मत्ती 15:31

जां मणूआं ने दिख्खेया कि जल्ले बोलदे हिन ते टुण्डे ठीक होई गे, लट्टे चलदे अते अन्ने दिखदे तां से हैरान होई गे अते से इस्राएल रे परमेश्वर री बड़ाई करणा लग्गे।

मत्ती 8:9

मैं ए इस तांइ समजी सकदा किजोकी मैं भी कुसकी रे थल्ले कम्म करदा, ते मेरे हेठ भी सिपाई कम्म करदे जां मैं इक्क जो बोलदा, जा तां से चली जान्दा, अते जां दूज्जे जो सददा तां से आई जान्दा, अते जां अपणे नौक्कर जो बोलदा कि, इय्यां कर तां से करदा।”

मत्ती 9:33

अते जां यीशु ने तिस मणू बिच का दुष्टात्मा जो कड्डी दित्ता, तां से जल्ला बोलणा लग्गी पेया, इस गल्ल पर मणू हैरान होई करी बोलणा लग्गे, इस्राएल बिच इदेया कदी भी नी दिख्खेया।

मरकुस 1:26

तां दुष्टात्मा तिसजो मरोड़ी करी, ते बड़े जोर कने चिडं मारी करी उस बिच का निकली गई

मरकुस 1:28

ते तिन्हेरे नां री खप्प झटपट ही गलील प्रदेश रे नेड़े-तेड़े री सारी जगाह् बिच फैल्ली गई।

मरकुस 10:24

चेल्‍लेयां जो यीशु री गल्लां पर हरानी होई, पर यीशु ने फिरी चेल्‍लेयां जो बोल्लेया, “ओ निक्केयो, जे पैसेयां पर विश्वास रखदे, तिन्हेरे तांइ परमेश्वर रे राज अन्दर जाणा बड़ा जादा मुस्किल है।

मरकुस 10:32

से यरुशलेम सहर जो जाया करदे थिये अते हल्ले रस्ते बिच थिये, ते यीशु अपणे चेल्‍लेयां रे अग्गे अग्गे चलेया करदे थिये: चेल्‍ले हैरान थिये अते जे मणू तिन्हेरे पीछे-पीछे चलदे थिये से डरे रे थिये। तां यीशु फिरी अपणे चेल्‍लेयां जो लोक्कां का अलग लै जाई करी तिन्हा कने से सारी गल्लां जे तिन्हा कने होणे वाली थी, दसणा लग्गे।

मरकुस 16:5

जां से कब्र अन्दर गई तां तित्ते इक्क जवान आदमी जो चिट्टे कपड़ेयां पाए रे ते कब्र अंदर सज्जे पास्से बैठ्ठे रे दिख्खेया। से जनानियां तिस जवान आदमी जो दिख्खी करी हैरान होई गई।

मरकुस 16:6

तिस जवान आदमी ने तिन्हा जनानियां जो बोल्लेया, “हैरान मत हो, तुसा नासरत रे यीशु जो, तोप्पेया करदी हिन, जिन्हा जो सुली पर चढ़ाया गेया थिया। से जिन्दा होई गेरे हिन ते से इत्ते नी हिन। दिख्खो, ए से ही जगाह् है, जित्ते तिन्हा ने यीशु री लास जो रख्खेया थिया।

मरकुस 7:37

से बड़ा ही हैरान होई करी बोलणे लगेया, “यीशु ने जे किच्‍छ भी कित्तेया, से सब खरा ही कित्तेया, से टोणेयां जो सुनणे री, अते जल्लेयां जो बोलणे री ताकत दिन्दे।”

लूका 4:36

ए दिख्खी करी सब हैरान होई गे ते से अप्पु-मिते बोलणा लगे, ए कदेह्या वचन है? किजोकी ए हक अते ताकत कने दुष्टात्मा जो हुकम देया करदे हिन ते से इन्हेरे बोलणे पर निकली भी जान्दी हिन

लूका 9:1

फिरी यीशु ने अपणे बाराह् चेल्‍लेयां जो सद्देया, ते तिन्हा जो बिमारियां जो दुर करणे ते सारी दुष्टात्मा जो कडणे री ताकत ते हक दित्तेया

प्रेरितां रे कम्म 17:19

तां से तिसजो अपणे कने अरियुपगुस नां रे इक्क महासभा जो लेई गे ते पूच्छेया, कै असा जाणी सकदे, कि ए नौई उपदेस जे सूणान्दा, से कै है?