मरकुस 1:26 - चम्बयाली नौआ नियम

²⁶ तां दुष्टात्मा तिसजो मरोड़ी करी, ते बड़े जोर कने चिडं मारी करी उस बिच का निकली गई

मरकुस 1:26 ပူးပေါင်းရင်းမြစ်များ

मरकुस 1:25

यीशु ने उस दुष्टात्मा जो बकी करी बोल्लेया, “चुप रेह! ते इस मणू बिच का निकली जा।”

मरकुस 1:27

इस पर सारे मणू हैरान होई करी अपणे बिच बैह्स करणा लग्गी पे, “ए कै गल्ल? ए तां कोई नौआ उपदेस है! ओ अधिकार कने दुष्टात्मा जो भी हुकम दिंदा, ते से तिसेरा हुकम मनदी।”

मरकुस 9:20

तां से तिस मुंडे जो यीशु का लेई आये: अते जां तिस दुष्टात्मा ने यीशु जो दिख्खेया, तां तिसने चाणचक्के ही तिस मुंडे जो मरोड़ेया, ते तिसेरे मुँह झाग निकलणा लग्गी पेई ते से छटपटाई करी जमीन पर पेई गेया।

मरकुस 9:26

तां से दुष्टात्मा लेरां मारदी अते तिस मुंडे जो बड़े जोरे मरोड़ी करी, निकली गई, अते निक्का अधमरा जदेया होई गेया, इत्ते तक लोक्कां जो लग्गेया कि से मरी गेया।

लूका 11:22

पर जिस बेल्ले कोई तिसका भी जादा ताकतवर मणू आई करी तिस पर हमला करी के तिसजो हराई देयो तां तिसेरे हथियारां जो जिन्हा पर तिसजो विश्वास थिया, खुस्सि करी तिसेरा घर-बार लुट्टी करी से सब किच्‍छ अप्पु-मिते बंड्डी लिन्दे।

लूका 9:39

मेरे निक्के जो इक्क दुष्टात्मा घड़ी-घड़ी पकड़दी ते फिरी ए इक्कदम चिन्ड़ा मारणा लगदा से तिसजो इदेया मरोड़दी, कि तिसेरे मुँह का झग्ग निकली आन्दी ते से तिसजो बड़ा भरी मरोड़दी ते तिसजो बड़ी मुस्कल कने छड़दी

लूका 9:42

तिसेरा निक्का आया ही करदा थिया, कि दुष्टात्मा ने तिसजो पटकी करी भुईय्याँ सूटी दित्तेया ते तिसजो मरोड़णा लग्गी, पर यीशु ने दुष्टात्मा जो झिड़केया ते तिस निक्के जो खरा करी के तिसेरे प्यो का देई दित्तेया