मरकुस 1:21 - चम्बयाली नौआ नियम

²¹ तां यीशु ते तिन्हेरे चेल्‍ले कफरनहूम कस्बा बिच आए, ते से तिस्सी बेल्ले विश्राम दिन सभास्थल बिच जाई करी उपदेस दैणा लग्गेया।

मरकुस 1:21 ပူးပေါင်းရင်းမြစ်များ

मत्ती 4:13

तां से नासरत कस्बे का निकली करी कफरनहूम कस्बे बिच रैह्णा लग्गे, जे जबूलून अते नप्ताली नां री जातियां रे इलाके बिच ते गलीली समुन्द्र रे किनारे पर थिया।

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मरकुस 1:20

यीशु ने तिस्सी बेल्ले तिन्हा जो सद्देया ते से अपणे प्यो जब्दी जो मजदूरां कने किस्ती पर छड्डी करी, यीशु रे पीच्छे तिन्हेरे चेल्‍ले बणने तांइ चली पे।

मरकुस 1:29

यीशु सभास्थल का निकली करी यूहन्ना ते याकूब ते अपणे बाकि चेल्‍लेयां कने शमौन ते अन्द्रियास रे घरे जो गे।

मरकुस 1:33

ते कस्बे रे मते सारे मणू शमौन रे घरे का कठ्ठी गे।

मरकुस 1:39

अते से सारे गलील प्रदेश बिच, ते सभास्थल बिच जाई-जाई करी प्रचार करदा ते दुष्टात्मा कडदा रेया।

मरकुस 10:1

फिरी यीशु कफरनहूम कस्बे का उठी करी यहूदियां जिले री सीमा का टप्पी करी यरदन नदी रे पार इक्क जगाह् पर गे। भीड़ फिरी तिन्हेरे का जमा होई गई, अते से हमेसा सांई तिन्हा जो उपदेस दैणे लगे।

मरकुस 2:1

मते रोज्जां बाद से फिरी कफरनहूम रे कस्बे बिच आया, ते लोक्कां ने सूणेया कि अपणे से घरे है।

मरकुस 3:1

फिरी कुसकी होर विश्राम दिन पर यीशु सभास्थल जो गे, उत्ते इक्क मणू थिया जिसेरा हत्थ सुक्कि गे रा थिया,

मरकुस 6:2

विश्राम दिन से सभास्थल बिच उपदेस दैणे लग्गेया, ते मते सारे मणू सुणी करी हैरान होए। मणू बोलणा लग्गे, “इसजो इदेयी समझ ते चमत्कार करणे री ताकत कुते का मिल्ली?”

लूका 10:15

ते ओ कफरनहूम कस्बे रे मणूओ, कै तुसा जो स्वरगा अन्दर लेई जाया जाणा है? पर ना, तुसा जो तां झिक्क पताल अन्दर सुट्टेया जाणा है

लूका 13:10

विश्राम दिन यीशु सभास्थल अन्दर वचन सुणाया करदे थिये,

लूका 4:16

फिरी से नासरत रे कस्बे जो हटी आई, जित्ते तिन्हेरा बचपन बित्तेया थिया, ते से हर वरी सांई विश्राम दिन सभास्थल बिच गे, ते जां से पवित्रशास्त्र पढ़ने तांइ खड़े होये

लूका 4:23

फिरी यीशु ने तिन्हा जो बोल्लेया, तुसा ने मेरे बारे अन्दर ए कहावत तां जरुर बोल्णी, ओ वैद्दा, पैल्ले अप्पु जो तां खरा करी लै ते जे किच्‍छ असा ने तेरे बारे अन्दर सुणे रा है, कि तैं कफरनहूम कस्बे अन्दर बड़े चमत्कार कित्ते रे हिन, से सब किच्‍छ अवे अपणे देस अन्दर भी कर

प्रेरितां रे कम्म 17:2

ते पौलुस अपणे तरिक्के कने तिन्हा का गेया, ते त्रै विश्राम दिन पर पवित्रशास्त्र का तिन्हा कने बैह्स कित्ती।

प्रेरितां रे कम्म 18:4

ते पौलुस हर इक्क विश्राम दिन पर सभास्थल बिच बैहस-बाजी करी के यहूदियां ते यूनानियां जो मसीह बिच विश्वास करणे तांइ समझांदा थिया।