मत्ती 9:4 - चम्बयाली नौआ नियम

⁴ यीशु ने तिन्हेरे मन री गल्लां जो जाणी करी बोल्लेया, “तुसां अपणे-अपणे मन अन्दर बुरा किजो सोच्चेया करदे हिन।”

मत्ती 9:4 ပူးပေါင်းရင်းမြစ်များ

मत्ती 12:25

यीशु जो तिन्हेरे विचारां रा पता लग्गी गेया अते से तिन्हा जो बोलणा लग्गे, जिस राज बिच फूट पेई जांदी, से खत्म होई जांदा, अते जिस सहर या टब्बर बिच फूट पेई जाओ से नी टिकदा।

मरकुस 12:15

कै असा जो चुंगी दैणी चाएदी या नी दैणी चाएदी?” यीशु तिन्हा लोक्कां रे कपट जो समजी गे, ते फरीसियां ते हेरोदेस रे समुह रे लोक्कां जो बोल्लेया, “तुसी मणू किजो मेरे जो परखेया करदे हिन? मेरे का इक्क दीनार रा सिक्कालेई आओ, मैं तुसा जो जवाब दिंदा।”

मरकुस 2:8

यीशु ने तिस्सी बेल्ले अपणी आत्‍मा बिच जाणी लित्तेया कि से अपणे-अपणे मन बिच इदेइ गल्ल हिन सोचदे, ते उन्हेरे जो बोल्लेया, “तुसां अपणे-अपणे मन बिच ए गल्ल किजो हिन सोचदे?”

लूका 11:17

पर यीशु तिन्हेरे मन री गल्ल जो समजी गे ते तिन्हा ने जवाब दित्तेया, जिस देस अन्दर फूट पेई गे री हो, से उजड़ी जान्दा: ते जिस घर अन्दर कहला हो पेई गे री से कदी भी बसी नी सकदा

लूका 5:22

पर यीशु तिन्हेरे मन री गल्ल जो समजी गे, ते तिन्हा जो जवाब दित्तेया, तुसा अपणे मन अन्दर इय्यां किजो सोचदे, मैं परमेश्वर री बेज्ज़ती करेया करदा है?

लूका 6:8

पर यीशु तिन्हेरे मन री गल्ल जाणदे थिये इधेरे तांइ तिन्हा ने तिस सुके हत्थां वाले जो बोल्लेया, उठ अते मझाट्टे खड़ी जा अते से मणू उठेया अते मझाट्टे खड़ा होई गेया।

लूका 7:40

पर यीशु ने तिस फरीसी रे मन री गल्ल जाणी गे, अते तिन्हा ने तिसजो जवाब दित्ता, ओ शमौन, मैं तेरे जो इक्क गल्ल दसणी, तां से बोलदा, गुरु जी बोल्लो।

यूहन्ना 16:19

यीशु समजी गे कि से मेरे का पूच्छणा चाह्‍ंदे हिन, अते यीशु ने बोल्लेया, कै तुसा इस गल्ल रे बारे बिच अप्पु-मित्ते सोच-विचार करेया करदे हिन, जे मैं बोल्ली, थोड़ी देर बाद तुसा मेरे जो नी दिखणा, अते तिसेरे बाद तुसा मेरे जो फिरी दिखणा?

यूहन्ना 16:30

अवे असी समजी गे कि तुसा सब किच्‍छ जाणदे, अते तुसा जो जरुरत नी है कि कोई तुसा का सवाल करे, इसेरी वजह कने असी विश्वास करदे कि तुसा जो परमेश्वर ने भेज्जे रा है।

यूहन्ना 21:17

तिन्हा ने तिज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार रखदा? पतरस उदास होई गेया कि यीशु ने तिसका तिज्जी वरी इय्यां बोल्लेया कि, कै तू मेरे कने प्यार रखदा? अते तिसने बोल्लेया, ओ प्रभु जी, तुसा तां सब किच्‍छ जाणदे तुसा जाणदे हिन कि मैं तुसा कने प्यार रखदा यीशु ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई चरा।

यूहन्ना 6:61

यीशु ने अपणे मन बिच ए जाणी करी कि मेरे चेल्‍ले अप्पु बिच इस गल्ल पर बुड़बुड़ाया करदे हिन, तिन्हा जो पूच्छेया कै इस गल्ल कने तुसा जो ठेस लग्गी?

यूहन्ना 6:64

पर तुसा बिच किन्ने इदेए मणू हिन जे विश्वास नी करदे: किजोकी यीशु ता पैल्ले का ही जाणदे थिये कि जे विश्वास नी करदे से कुण हिन? ते कुनिये मेरे जो पकडवाणा।

प्रेरितां रे कम्म 5:9

पतरस ने तिसजो बोल्लेया, ए कै गल्ल है कि तुसा दोन्नां ने प्रभु री आत्‍मा री परिक्षा तांइ इक्क मन बणाया? दिख, तेरे लाड़े रे गाड़णे वाले दुआर पर ही खड़ित्ते रे हिन ते तेरे जो भी बाहर लेई जाणा

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।