मत्ती 9:2 - चम्बयाली नौआ नियम

² अते दिख्खो, किच्‍छ मणू अधरंग रे इक्क मरीज जो बाणी वाले मन्जे पर रख्खी करी यीशु रे नेड़े लेई आये तिन्हा ने तिन्हेरा विश्वास दिख्खी करी, तिस अधरंग रे मरीज जो बोल्लेया, “ओ पुत्तर, हिम्मत रख तेरे पाप माफ होई गे।”

मत्ती 9:2 ပူးပေါင်းရင်းမြစ်များ

मत्ती 14:27

पर यीशु ने उस्सी बेल्ले तिन्हा कने गल्ल कित्ती ते बोल्लेया, हिम्मत रख्खो! मैं है! डरो मत।

मत्ती 4:24

अते गलीली जिले रे उत्तर दिसा बिच जे सीरिया इलाका थिया, तित्ते तिन्हेरी खबर फैल्ली गई ते मणू इदेय सब मणूआं जो, जे नेक-बनेक्की बमारियाँ अते दुखां अन्दर जकड़ित्तेरे थिये, जिन्हा अन्दर दुष्टात्मा थिया, जिन्हा जो मिरगी आंदी थी अते जे अधरगं रे मारे थिये यीशु का लियाणा लग्गे यीशु ने तिन्हा जो खरा कित्तेया।

मत्ती 6:12

ते जिय्यां असा ने अपणे गुनेह्गार जो माफ कित्तेया, तिय्यां ही तुसा भी असा रे पाप्पां जो माफ करी देयो,

मत्ती 8:10

ए सुणी करी यीशु जो बड़ी हैरानी होई अते जे तिन्हेरे पीच्छे आया करदे थिये तिन्हा जो बोल्लेया, “मैं तुसा जो सच बोलदा कि मैं इस्राएल बिच भी कुसकी इक्क मणू जो नी दिख्खेया जे इस गैर-यहूदी रे बराबर मेरे पर विश्वास करदा हो।”

मत्ती 8:16

जां सँझ होई, तां मणू उन्हा का इदेय बड़े मणूआं जो लेई करी आये जिन्हा बिच दुष्टात्मा थी, अते उसने अपणे इक्क ही शब्द कने दुष्टात्मा जो निकाली दित्तेया इस तरिक्के कने उसने सब बिमारां जो खरा करी दित्तेया।

मत्ती 9:22

यीशु ने मुड़ी करी तिसजो दिख्खेया अते बोल्लेया, “कुड़िये हिम्मत रख्ख तेरे विश्वास ने तिज्जो ठीक कित्तेया ते से जनानी तिस्सी बेल्ले ठीक होई गई।”

मत्ती 9:5

असान कै है? ए बोलणा, तेरे पाप माफ होई गे, या ए बोलणा, उठ अते हन्ड़ फिर?

मत्ती 9:6

ताकि तुसा ए जाणी जाओ कि मणू रे पुत्तर, जे मैं ही है जो दुनिया पर पाप माफ करणे रा हक्क है तां तिन्हा ने अधरंग रे मरीज जो बोल्लेया, “उठ, अपणा पन्द चुक्क, अते अपणे घरे चली जा।”

मरकुस 1:32

सूरज डूबणे रे बाद जां विश्राम दिन मुकी गेया तां मणू सारे बिमारां जो, ते उन्हा जो, जिन्हेरे बिच दुष्टात्मा थियां, तिन्हेरे का लेई करी आए।

मरकुस 10:49

यीशु ने रुकी करी बोल्लेया, “तिसजो सद्दो।” अते मणूआं ने तिस अन्ने जो सद्दी करी तिसजो बोल्लेया, “हिम्मत कर, उठ! से तिज्जो सद्ददे हिन।”

मरकुस 5:34

यीशु ने तिसजो बोल्लेया, “कुड़िए तेरे भरोसे ने तेरे जो ठीक कित्ता: राजी खुसी जा, ते अपणी इस बीमारी का बची रेय।”

मरकुस 6:50

किजोकी सारे उन्हा जो दिख्खी करी डरी गेरे थिये पर यीशु ने तिस्सी बेल्ले चेल्‍लेयां कने गल्लां कित्ती ते बोल्लेया, “हिम्मत रख्खो: मैं है, डरो मत!”

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

यूहन्ना 2:25

कने तिसजो कोई जरुरत नी थी कि से मणूआं रे बारे बिच कोई गवाई दे किजोकी से अप्पु ही जाणदा थिया कि मणूआं रे मना बिच कै है।

यूहन्ना 21:5

तां फिरी यीशु ने तिन्हा जो बोल्लेया, ओ मित्तरों, कै तुसा का किच्‍छ मच्छियाँ हिन? तिन्हा ने जवाब दित्तेया, ना

प्रेरितां रे कम्म 14:9

से पौलुस जो गल्लां करदे सूणेया करदा थिया ते पौलुस ने तिसेरे पास्से ध्यान कने दिख्खेया कि इस बिच ठीक होई जाणे रा विश्वास है।

प्रेरितां रे कम्म 19:12

इत्ते तक की तिसेरे छुत्ते रे रूमाल ते अँगोछेयां जो बिमार लोक्कां का लिन्दे थिये ते तिन्हेरी बिमारियां ठीक जान्दी थी अते दुष्टात्मा तिन्हा का निकली जान्दी थी।

प्रेरितां रे कम्म 23:11

तिस्सी रात्ती प्रभु यीशु ने तिसेरे नेड़े खड़े होई करी बोल्लेया, ओ पौलुस, हिम्मत कर किजोकी जिय्यां तैं यरुशलेम अन्दर मेरी गवाई दित्ती, तिय्यां गवाई तिज्जो रोम अन्दर भी दैणा पैणी।

रोमियों 5:11

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।

याकूब 2:18

पर कोई बोल्ले, “तू विश्वास करदा, ते मैं ठीक कम्म करदा।” पर मैं बोलदा कि तू अपणा विश्वास मिन्जो बगैर ठीक कम्मां रे साबित करी के दिखा; ते मैं अपणा विश्वास अपणे ठीक कम्मां रे जरिये तिज्जो साबित करी के दिखांदा।