मत्ती 9:1 - चम्बयाली नौआ नियम

¹ फिरी यीशु किस्ती पर चढ़ी करी पार अपणे सहरां जो आई गे।

मत्ती 9:1 ပူးပေါင်းရင်းမြစ်များ

मत्ती 4:13

तां से नासरत कस्बे का निकली करी कफरनहूम कस्बे बिच रैह्णा लग्गे, जे जबूलून अते नप्ताली नां री जातियां रे इलाके बिच ते गलीली समुन्द्र रे किनारे पर थिया।

मत्ती 7:6

“तिन्हा लोक्कां जो परमेश्वर री गल्लां मत सुणाओ जे मणू सुनणा नी चाह्‍ंदे, किजोकी जे अगर तुसा इय्यां करदे तां ए पवित्तर चीजां कूत्तेयां या सूअरां रे मुहाग्गर सुटणे रे बराबर होणा, जिन्हा तिसजो अपणे पैरां कने मसल्ली करी तुसा पर हमला करणा।”

मत्ती 8:18

यीशु ने जां अपणे चौन्नी पास्से इक्क बड़ी बड्डी भीड़ दिख्खी तां उन्हा ने अपणे चेल्‍लेयां जो हुकम दित्तेया “चलो असी गलीली समुन्द्र रे दूज्जे कनारे जो जाण।”

मत्ती 8:23

तां यीशु इक्क किस्ती पर जाई बैठ्ठे तिन्हेरे चेल्‍ले भी तिन्हा कने थिये।

मरकुस 5:21

यीशु किस्ती पर गलीली समुन्द्र रे पार गे, तां इक्क बड्डी भीड़ तिन्हेरे का कठ्ठी गई से समुन्द्र रे नेड़े ही थिये कि

लूका 8:37

ते तित्ते जे किच्‍छ भी होया थिया तिसजो दिख्खी करी गिरासेन इलाके रे रैह्णे वाले मणूआं ने यीशु रे छंदे कित्ते कि तुसा इत्ते का चली जाओ किजोकी ए सब दिख्खी करी से सब डरी गेरे थिये फिरी यीशु किस्ती पर चढ़ी करी झील रे दूज्जे पास्से हटी आये।

लूका 8:40

यीशु किस्ती पर गलीली समुन्द्र रे पार गे, तां मणूआं ने तिन्हेरा बड़ा सुआगत कित्ता, किजोकी से सब जणे यीशु जो भालदे थिये।

प्रकाशित वाक्य 22:11

जे मणू बुरे ते भिठ्ठे कम्म करदे, से मणू बुरे ते भिठ्ठे कम्म करदे रैह्ण। बिल्कुल तिस्सी तरिक्के कने जे मणू ठीक ते पवित्र कम्म करदे, से मणू ठीक पवित्र कम्म करदे रैह्ण।