मत्ती 7:7 - चम्बयाली नौआ नियम

⁷ “अपणी जरुरत री चीज परमेश्वर का मन्गो तां तिन्हा ने तुसा जो दैणा, तोपगे तां तुसा जो मिल्ली जाणा, ते खटखटांगे तां तुसा रे तांइ दुआर खोल्लेया जाणा।”

मत्ती 7:7 ပူးပေါင်းရင်းမြစ်များ

मत्ती 18:19

मैं तुसा कने फिरी सच बोलदा, जे तुसा रे बिच का दो जणे कुसकी गल्ल तांइ इकमत होई करी प्रार्थना करो, तां तिसजो मेरे स्वर्ग बिच रैह्णे वाले पिता ने पूरा करी दैणा।

मत्ती 21:22

ते जे किच्‍छ तुसा प्रार्थना भी मेरे का मगंगे से सारा किच्‍छ तुसा जो मिलणा।

मत्ती 6:33

पर पैल्ले तुसा परमेश्वर रे राज ते तिन्हेरी धार्मिकता जो महत्व देयो, तां ए सब चीजा तुसा जो मिली जाणियां।

मत्ती 7:11

इधेरे तांइ जे चाये तुसा बुरे ही किजो नी हिन, अपणे बच्चेयां जो ठीक चीजां दैणा जाणदे तां तुसा रा पिता परमेश्वर जे स्वर्ग बिच हिन तुसा रे मन्गणे पर ठीक चीजां किजो नी दिंगा?

मत्ती 7:8

किजोकी हर इक्क मणू जे मंगदा, तिसजो मिली जान्दा जे तोपदा से तिसजो पाई लिंदा अते जे खटखटांदा ही रैहन्दा तिसेरे तांइ दुआर खोल्ली दित्तेया जाणा।

मरकुस 11:24

इधेरे तांइ मैं तुसा जो बोलदा कि जे तुसा प्रार्थना करी के मंग्गो, ते विश्वास करी लेयो कि तुसा जो मिल्ली गेया, अते तुसा रे तांइ होई जाणा।

लूका 13:25

जां परमेश्वर ने, जे घर रे मालक ने दुआर जो बन्द करी दैणा, तां तुसा बाहर खड़े होई करी दुआर जो खट-खटाणा ते बोलणा, ओ प्रभु, असा तांइ दुआर खोली देयो पर अन्दर का ए जवाब आणा, मैं तुसा जो नी जाणदा।

लूका 18:1

फिरी यीशु ने अपणे चेल्‍लेयां जो ए बताणे तांइ कि से हर बेल्ले प्रार्थना करदे रैण अते दुख्खी ना होण तिधेरे तांइ इक्क उदारण दित्ता

यूहन्ना 15:16

तुसा मेरे जो नी चुणेया, पर मैं तुसा जो इक्क मकसद कने चुणेया कि तुसा जाओ अते इदेय कम्म करण जे पिता-परमेश्वर जो पसंद आए ते तुसा रे ठीक कम्म बणी रे, ताकि मेरे नां कने तुसा जे किच्‍छ भी पिता का मंगो से तुसा री हर जरुरत जो पूरा करण।

यूहन्ना 15:7

जे तुसा मेरे बिच बणी रैहन्गे, अते मेरी सिखाए री शिक्षा तुसा रे बिच बणी रैहन्गी, तां तुसा किच्‍छ भी मंगो, मेरे पिता ने तुसा री हर जरुरत जो पूरा करणा।

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

रोमियों 3:11

कोई भी मणू समजदार नी है, कोई भी मणू परमेश्वर जो जाणना नी चाह्‍ंदा।

इब्रानियों 11:6

परमेश्वर बिच विश्वास कित्ते बिना, तिन्हा जो खुस करणा नामुमकिन है। किजोकी परमेश्वर का आणे वाले मणू जो ए विश्वास करणा चाएदा कि से परमेश्वर हिन। परमेश्वर तिन्हा लोक्कां जो ईनाम दिंदे, जे पूरी सच्चाई कने तिन्हा जो तोपदे।

याकूब 5:15

ते विश्वास री प्रार्थना कने बिमार ने बची जाणा ते प्रभु ने तिस मणू जो ठीक करी दैणा ते जे उसने पाप भी कित्ते रे होणे तां से भी माफ होई जाणे।

1 यूहन्ना 3:22

अते जे असी किच्‍छ तिन्हा का मंगदे, से असा जो दिंदे किजोकी असी तिसेरे हुकमां जो मनदे, अते से ही करदे, जे तिसजो खरा लगदा