मत्ती 7:6 - चम्बयाली नौआ नियम

⁶ “तिन्हा लोक्कां जो परमेश्वर री गल्लां मत सुणाओ जे मणू सुनणा नी चाह्‍ंदे, किजोकी जे अगर तुसा इय्यां करदे तां ए पवित्तर चीजां कूत्तेयां या सूअरां रे मुहाग्गर सुटणे रे बराबर होणा, जिन्हा तिसजो अपणे पैरां कने मसल्ली करी तुसा पर हमला करणा।”

मत्ती 7:6 ပူးပေါင်းရင်းမြစ်များ

मत्ती 15:26

यीशु ने तिसजो बोल्लेया, मुन्डेयाँ री रोट्टी लेई करी कुतेंयाँ रे मुहाग्गर पाणा ठीक नी है।

मत्ती 24:10

तां मते जणेया ने विश्वास का पीच्छे हटी जाणा ते इक्क-दूए जो पकड़वाणा, ते इक्क-दूए कने नफरत रखणी।

मत्ती 7:5

ओ ढोंगी! पैल्ले तू अपणी बड्डी गलतियां जो सुधार, फिरी तू ठीक तरिक्के कने अपणे भाई री गलतियां जो सुधारी सकणा।

2 कुरुन्थियों 11:26

मैं घड़ी-घड़ी यात्रा अन्दर दरिया रे जोखिमां अन्दर, ड़ाकुआं रे जोखिमां अन्दर, अपणी जात वाले मणूआं रे जोखिमां अन्दर, गैर यहूदियां रे जोखिमां अन्दर, सहरां रे जोखिमां, अन्दर बणां रे जोखिमां अन्दर, समुन्दर रे जोखिमां अन्दर, झूठे विश्वासियां रे मझाटे जोखिमां अन्दर रेया।

फिलिप्पियों 3:2

तिन्हा बुरे लोक्कां का बची रेयो जे कूत्तेयां सांई हिन, ते तिन्हा लोक्कां का भी बचे रेयो जे तुसा जो बोलदे कि छुटकारा पाणे तांइ तुसा जो खतना करवाणे री जरुरत है।

इब्रानियों 10:29

तां सोच्ची लेयो, कि इदेय मणू जो होर भी किन्नी जादा वरी सजा दैणी, जे मणू परमेश्वर रे पुत्तर जो नक्कारी दिंदा, ते वाचा रे खून जो बेकार समजदा, जिसेरे जरिए से पवित्र ठैहराया गेया थिया, ते असा पर अनुग्रह करणे वाले पवित्रात्मा री बेजती करदा।

इब्रानियों 6:6

जे अगर से मणू भटकी भी जाण, तां तिन्हा जो तौबा करणे रे रस्ते पर लाणा मुस्किल है, किजोकी से अपणे पास्से का, परमेश्वर रे पुत्तर जो फिरी सुली पर चढांदे, ते सारेयां सामणे तिन्हेरा मजाक बणांदे।

2 पतरस 2:22

जे तिन्हा कने होया से इस गल्ल जो जाहिर करदा कि नीतीवचन सच्चे हिन, “से मणू कूत्तेयां सांई हिन जे अपणी उल्टी जो चटणे तांइ हटी आंदे, ते से सूअरां सांई हिन जिस जो नुहाया गे रा हो पर फिरी से मिट्टी बिच रुलकणे लग्गी पैंदा।”

प्रकाशित वाक्य 22:15

बाहर कूत्ते, जादू-टौणे करणे वाले, अश्लील मणू, हत्यारे, मूर्तां री पूजा करणे वाले ते झूठ बोलणे वाले होणे। से कदी भी सहर बिच नी आई सकदे।