मत्ती 7:5 - चम्बयाली नौआ नियम

⁵ ओ ढोंगी! पैल्ले तू अपणी बड्डी गलतियां जो सुधार, फिरी तू ठीक तरिक्के कने अपणे भाई री गलतियां जो सुधारी सकणा।

मत्ती 7:5 ပူးပေါင်းရင်းမြစ်များ

मत्ती 22:18

यीशु ने तिन्हेरी बुराई जो जाणी करी बोल्लेया, ओ कपटियों, मेरे जो किजो हिन परखदे?

मत्ती 7:3

“तुसी किजो अपणे भाई री छोटी जदेई गलती जो दिख्खेया करदे हिन, जां तुसा री अपणी जिन्दगी बिच बड्डी गलतियां हिन।”

मत्ती 7:4

जां तेरी अपणी जिन्दगी बिच बड्डी गलतियां हिन, तां तुसा किय्यां अपणे भाई जो बोल्ली सकदे कि अपणी गलतियां जो सुधार?

मत्ती 7:6

“तिन्हा लोक्कां जो परमेश्वर री गल्लां मत सुणाओ जे मणू सुनणा नी चाह्‍ंदे, किजोकी जे अगर तुसा इय्यां करदे तां ए पवित्तर चीजां कूत्तेयां या सूअरां रे मुहाग्गर सुटणे रे बराबर होणा, जिन्हा तिसजो अपणे पैरां कने मसल्ली करी तुसा पर हमला करणा।”

लूका 12:56

पर ओ कपटियों, तुसा जो जमीन ते आसमान रे रांग-रुप बदलिणे रा पता तां लग्गी जान्दा, पर इस जुग बिच परमेश्वर जे कम्म करदे हिन तिन्हा जो किय्यां नी समझ नी पांदे?

लूका 13:15

प्रभु यीशु ने जवाब दित्तेया, कि ओ कपटियों, कै विश्राम दिन रे रोज्जे तुसा अपणे डंगरां जो पाणी पियाणे तांइ नी लिन्दे?

लूका 4:23

फिरी यीशु ने तिन्हा जो बोल्लेया, तुसा ने मेरे बारे अन्दर ए कहावत तां जरुर बोल्णी, ओ वैद्दा, पैल्ले अप्पु जो तां खरा करी लै ते जे किच्‍छ असा ने तेरे बारे अन्दर सुणे रा है, कि तैं कफरनहूम कस्बे अन्दर बड़े चमत्कार कित्ते रे हिन, से सब किच्‍छ अवे अपणे देस अन्दर भी कर

लूका 6:42

जां तेरी अपणी जिन्दगी बिच बड्डी गलतियां हिन, तां तुसा किय्यां अपणे भाई जो बोल्ली सकदे कि अपणी गलतियां जो सुधार? ओ ढोंगी, पैल्ले तू अपणी बड्डी गलतियां जो सुधार, फिरी तू ठीक तरिक्के कने अपणे भाई री गलतियां जो सुधारी सकणा।

प्रेरितां रे कम्म 19:15

पर दुष्टात्मा ए जवाब दिंदी थी, कि यीशु जो असा जाणदे हिन, ते पौलुस जो भी पछाणदे, पर तुसा कुण हिन?