मत्ती 7:2 - चम्बयाली नौआ नियम

² किजोकी जिय्यां तुसा लोक्कां पर इल्जाम लांदे, तिय्यां ही परमेश्वर ने भी तुसा पर इल्जाम लाणा, अते जिस तरिक्के कने तुसा लोक्कां पर इल्जाम लांदे, तिस्सी तरिक्के कने तुसा पर भी इल्जाम लाया जाणा।

मत्ती 7:2 ပူးပေါင်းရင်းမြစ်များ

मत्ती 6:14

“इधेरे तांइ जे तुसा मणूआं रे पाप्पां जो माफ करगे, तां तुसा रे पिता परमेश्वर ने जे स्वर्ग बिच रैहन्दे तुसा जो माफ करी दैणा।”

मरकुस 4:24

फिर यीशु ने तिन्हा लोक्कां जो बोल्लेया, “होशियार रेयो कि तुसा कै सूणदे, किजोकी जिस नाप कने तुसा नापदे तिसी नाप कने तुसा ताइं भी नाप्पेया जाणा, ते तुसा जो जादा दित्तेया जाणा।

लूका 6:38

दूज्जेयां जो देया करो, तां तुसा जो भी दित्तेया जाणा, मणूआं ने पूरा नाप्पी करी अते जिक्की-जिक्की करी ते हिलाई-हिलाई करी अते उछलदा-उछलदा तुसा री खोख्खा बिच पाणां, किजोकी जिस नाप कने तुसा नापदे, तिस्सी नाप कने तुसा तांइ भी नाप्पेया जाणा

2 कुरुन्थियों 9:6

पर गल्ल इदेयी है: कि जिन्ने घट्ट बाणा, तिनिए घट्ट ही कटणा है ते जे जादा बांदा, तिनिए मता बडणा।

याकूब 2:13

जे अगर तुसा होर लोक्कां कने दया रख्खी हो तां परमेश्वर ने भी हिसाब-किताब करणे रे दिन पर तुसा पर दया करणी।

प्रकाशित वाक्य 18:6

तिस कने तदेया ही करो जदेया तिनिये लोक्कां कने कित्तेया। जे दुख लोक्कां ने तिसेरी वजह कने सहन कित्तेया, तिसने तिसेरा दुगणा भरणा। तिनिये लोक्कां जो तिसेरे गलत कम्म चखाए, इधेरे तांइ तिसने भी परमेश्वर रा दुगणा गुस्सा बर्दाश करणा।