मत्ती 7:1 - चम्बयाली नौआ नियम

¹ यीशु ने अपणे उपदेस जो जारी रखदे होए तिन्हा लोक्कां जो बोल्लेया “दूज्जेयां पर इल्जाम मत लगाओ नी तां परमेश्वर ने तुसा पर इल्जाम लाणा।”

मत्ती 7:1 ပူးပေါင်းရင်းမြစ်များ

मत्ती 7:2

किजोकी जिय्यां तुसा लोक्कां पर इल्जाम लांदे, तिय्यां ही परमेश्वर ने भी तुसा पर इल्जाम लाणा, अते जिस तरिक्के कने तुसा लोक्कां पर इल्जाम लांदे, तिस्सी तरिक्के कने तुसा पर भी इल्जाम लाया जाणा।

मत्ती 7:5

ओ ढोंगी! पैल्ले तू अपणी बड्डी गलतियां जो सुधार, फिरी तू ठीक तरिक्के कने अपणे भाई री गलतियां जो सुधारी सकणा।

लूका 6:37

कुसकी पर इल्जाम मत लाओ, ताकि हिसाब-किताब रे बेल्ले तुसा पर भी इल्जाम नी लगाये जाये दूज्जेयां जो कसुरवार मत समझो, ताकि तुसा भी कसुरवार नी समजे जाओ पर, दूज्जेयां जो माफ करी देया करो, तां तुसा जो भी माफ कित्ता जाणा।

लूका 6:41

“तुसी किजो अपणे भाई री छोटी जदेई गलती जो दिख्खेया करदे हिन, जां तुसा री अपणी जिन्दगी बिच बड्डी गलतियां हिन।”

यूहन्ना 8:7

जां से तिसका पूच्छेया करदे थिये, तां यीशु ने सिधे होई करी तिन्हा जो बोल्लेया, कि तुसा रे बिच का जिनिये कदी पाप ना कित्ते रा हो, से इसजो पैल्ला बट्टा मारे।

याकूब 3:1

ओ मेरे संगी विश्वासियों, तुसा बिच का हर कोई कलीसिया बिच गुरु बणने री इच्छा ना रख्खे किजोकी तुसा जाणदे ही हिन कि असा गुरुआं रा दूए लोक्कां जादा सख्ती कने न्याय होणा।