मत्ती 6:4 - चम्बयाली नौआ नियम

⁴ ताकि जे दान तू दित्ता से कुसकी जो पता ना लग्गे अते तेरा से परम-पिता जे तिज्जो लुकी करी दिखदा, तिन्हा ने तिज्जो उधेरा ईनाम दैणा।”

मत्ती 6:4 ပူးပေါင်းရင်းမြစ်များ

मत्ती 10:42

जे कोई मेरे इन्हा भोले-भाले चेल्‍लेयां जो इक्क गलास ठण्डा पाणी पीणे जो दे कि से मेरा चेल्ला है, तां मैं तुसा रे कने सच्ची बोलदा कि तिसजो इधेरा ईनाम मिलणा ही मिलणा।

मत्ती 6:18

ताकि मणूआं जो नी पर तुसा रे पिता परमेश्वर जो जे स्वर्ग का तुसा जो गुप्त रीति कने दिखदे पता चले कि तुसा ब्रत्त रख्खे रा है, ते तिन्हा ने तुसा जो ईनाम दैणा।

मत्ती 6:3

पर जां तुसा दान करो तां लोक्कां जो पता मत लगणा देयो कि तुसा कै देया करदे हिन।

मत्ती 6:6

पर जां तू प्रार्थना करे, तां अपणे कमरे बिच जा, ते दुआर बांद्द करी के गुप्त बिच अपणे पिता परमेश्वर का प्रार्थना कर जे स्वर्ग बिच हिन, तां परमेश्वर पिता ने तुसा जो ईनाम दैणा जे स्वर्ग का तुसा जो गुप्त रीति कने दिखदे रैहन्दे।

लूका 14:14

किजोकी तिन्हा का तिज्जो हटाणे तांइ किच्‍छ भी नी है, ए ही गल्ल तेरे तांइ आशीष री वजह बणी जाणी इधेरा फल्ल तिज्जो धार्मिक मणूआं रे फिरी जिन्दे होई उठणे का बाद मिलणा।

लूका 8:17

किजोकी इदेया किच्‍छ भी लुह्के रा नी ए जे सामणे नी आणा, अते भेद किच्‍छ भी नी ए, जे जाणेया नी जाणा अते लौ बिच सामणे नी आणा

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

इब्रानियों 4:13

परमेश्वर का किच्‍छ भी लुके रा नी है, ते असा ने जे किच्‍छ अपणी जिन्दगी बिच कित्ते रा है, तिसेरा लेखा-जोखा परमेश्वर जो दैणा पैणा।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।