मत्ती 5:9 - चम्बयाली नौआ नियम

⁹ धन्न हिन से, जे मेल करांदे हिन, किजोकी तिन्हा जो परमेश्वर रे बच्चे बोल्लेया जाणा।

मत्ती 5:9 ပူးပေါင်းရင်းမြစ်များ

मत्ती 5:45

ताकि तुसा अपणे पिता परमेश्वर रे बच्चे बणी सको जे स्वर्ग बिच हिन, किजोकी से ठीक लोक्कां पर ते बुरे लोक्कां पर अपणा सूरज चमकान्दा, अते धार्मिक अते अधर्मी दोन्नां लोक्कां पर बरखा बरसांदे।

मत्ती 5:48

इधेरे तांइ जरुरी ए है कि तुसा सिद्ध बणो, जिय्यां तुसा रा पिता परमेश्वर सिद्व है जे स्वर्ग बिच हिन।”

लूका 20:36

अते फिरी तिन्हा कदी मरणा भी नी, किजोकी से स्वर्गदूत सांई हिन, अते से नौई जिन्दगी बिच फिरी जिन्दे कित्ते गे परमेश्वर री औलाद हुणी

लूका 6:35

पर तुसा अपणे दुश्मणा कने भी प्यार करो, अते भलाई करो, ते जे कुसकी जो उधार दित्ते रा हो, तां फिरी दुबारा वापस लैणे री भाल मत करो, इय्यां करगे तां परमेश्वर रे पास्से का तुसा जो स्वर्ग बिच इक्क बड्डा ईनाम मिलणा, ते तुसा परमप्रधान परमेश्वर री सन्तान होई जाणा, किजोकी परमेश्वर तां इतणे दयालू हिन कि से तिन्हा मणूआं पर भी अपणी कृपा दृष्टि बणाई रखदे जे परमेश्वर रा शुकर नी करदे अते बुरे हिन।

प्रेरितां रे कम्म 7:26

दूए दिन जां से अप्पु बिच लड़ेया करदे थिये, तां से तित्ते आया ते ए बोल्ली करी तिन्हेरी सुलाह कराणे तांइ समजाया, ओ लोक्कों तुसा तां इक्क दूए भाई-बन्धु हिन, तां इक्क-दूए कने किजो लड़ेया करदे हिन?

रोमियों 12:18

जित्ते तांइ होई सको, तुसा सारे लोक्कां कने मेल-मिलाप रख्खो

रोमियों 8:14

इधेरे तांइ जे मणू पवित्रात्मा रे हिसाब कने चलदे हिन, से ही परमेश्वर रे औलाद्दां हिन।

रोमियों 8:16

पवित्रात्मा अप्पु ही असा री आत्‍मा कने ए गवाई दिंदी कि असी परमेश्वर री औलाद्दां हिन।

रोमियों 8:19

किजोकी परमेश्वर री सारी रचना बड़ी उम्मीद तिस दिन जो भालेया करदे हिन जां परमेश्वर ने ज़ाहिर करणा कि कुण तिन्हेरे असली औलाद्दां हिन।

1 कुरुन्थियों 6:6

पर तिसेरे बजाए इक्क विश्वासी अपणे दूए विश्वासी भाई रे खिलाफ कचेरी बिच कुसकी अविश्वासी मणू का अपणी परेसानी सुलझाणे तांइ जांदे।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

2 कुरुन्थियों 5:20

इस तांइ असी मसीह यीशु रे राजदूत हिन मन्नों परमेश्वर असा रे जरिए बिनती करेया करदे हिन; असी मसीह यीशु रे पास्से का बिनती करेया करदे हिन की परमेश्वर कने मेल जोल करी लेयो।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

इफिसियों 4:1

इधेरे तांइ मैं जे प्रभु री सेवा करणे री वजह कने कैद बिच है, तुसा रे छन्दे करदा कि जिस बुलाह्ट कने तुसा सद्दे गे थिये, तिस जोग्गी चालचलन बणाई रख्खो,

फिलिप्पियों 4:2

मैं यूओदिया रे ते सुन्तुखे रे भी छंदे करदा की से अप्पु-मिते सुलह करी के परमेश्वर बिच सांती कने रैह्ण।

कुलुस्सियों 3:13

अगर तुसा का कुसकी पर इल्जाम लाणे री कोई वजह हो तां भी तुसा इक्क-दुजे री गल्लां जो सहन करी लेयो, इक्क-दूज्जे रे अपराध माफ करी देयो, जिय्यां की प्रभु ने भी तुसा रे अपराध माफ कित्ते, तिय्यां तुसा भी करो।

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।