मत्ती 5:41 - चम्बयाली नौआ नियम

⁴¹ जे अगर कोई सिपाई तिज्जो जबरदस्ती इक्क किलोमीटर लेई जाये, तां तिसेरे कने दो किलोमीटर दुर चली जा।

मत्ती 5:41 ပူးပေါင်းရင်းမြစ်များ

मत्ती 27:32

बाहर जादें बेल्ले तिन्हेरे जो शमौन नां रा इक्क कुरेनी मणू तिन्हेरे जो मिल्लेया तिन्हा ने तिसजो बेगार बिच पकड़ेया की से तिन्हेरा सुली चुकी करी लेई चले।

मत्ती 5:40

अते जे कोई तेरे पर मुकद्दमा चलाई करी तेरा कुरता भी उतारणा चाओ, तां तिसजो अपणी लोई तक देई दे।

मत्ती 5:42

जे कोई तेरे का मंगो, तां तिसजो दे, अते जे कोई तेरे का उधार लैणा चाओ, तिसजो पीठ्ठ मत दिख्खा।”

मरकुस 15:21

शमौन जे कुरेन सहर रा मणू थिया ते सिकन्दर ते रुफुस रा प्यो थिया, से यरुशलेम जो जाया करदा थिया; पर सपाईयां ने तिसजो जबरदस्ती पकड़ेया ताकि से यीशु री सुली चुक्की करी लेई चलो।

लूका 23:26

जां से यीशु जो लेई चले तां तिन्हा ने कुरेन रे रैणे वाले शमौन नां रे इक्क मणू जो, जे अपणे ग्रां का आया करदा थिया, तिसजो पकड़ी लेया अते तिस पर सुली जो लदी दित्ता अते उस्स जो यीशु रे पीच्छे-पीच्छे चलणे जो बोल्लेया।

2 कुरुन्थियों 5:14

किजोकी मसीह यीशु रा प्यार असा जो मजबूर करी दिंदा, किजोकी असी ए समजदे की जां इक्क मणू सारे लोक्कां तांइ मरेया तां सारे मरी गे।