मत्ती 4:7 - चम्बयाली नौआ नियम

⁷ यीशु ने तिसजो बोल्लेया, “पवित्रशास्त्र बिच ए भी लिख्खे रा है: तू प्रभु अपणे परमेश्वर जो मत परख।”

मत्ती 4:7 ပူးပေါင်းရင်းမြစ်များ

मत्ती 21:16

ते तिन्हा जो बोलणा लग्गे, कै तू सूणदा कि ए मणू कै हिन बोल्लेया करदे? यीशु ने तिन्हा जो बोल्लेया, हाँ कै तुसा ए कदी नी पढ़ेया: मुडेंया ते दूद्द पिदें बच्चेयां का तू अपणी महिमा कराई?

मत्ती 21:42

यीशु ने तिन्हा जो बोल्लेया, कै तुसा कदी पवित्रशास्त्र बिच ए नी पढ़ेया: जिस बट्टे जो राजमिस्त्रियां ने ठुकराई दित्तेया थिया, से ही कुणे रे सिरे रा बट्टा होई गेया? ए परमेश्वर रे पास्से का होया ते असा री नजर बिच अनौखा है।

मत्ती 4:10

तां यीशु ने तिसजो बोल्लेया, “ओ शैतान, दुर होई जा किजोकी पवित्रशास्त्र बिच लिख्खे रा है, ‘तू प्रभु अपणे परमेश्वर जो ही प्रणाम कर अते सिर्फ उन्हेरी ही सेवा कर।’”

मत्ती 4:4

यीशु ने जवाब दित्तेया, “पवित्रशास्त्र बिच लिख्खे रा है, मणू सिर्फ रोट्टी कने ही नी पर से परमेश्वर रे हर इक्क वचन जो मनणे कने जिन्दा रैहन्दा।”

लूका 4:12

यीशु ने तिसजो जवाब दित्तेया, पवित्रशास्त्र अन्दर ए भी लिख्खे रा है, तू अपणे प्रभु-परमेश्वर जो कदी मत परखदा।

प्रेरितां रे कम्म 15:10

तां अवे तुसा किजो चेल्‍लेयां पर बेमतलब जरुरतां रा बोझ पाई करी परमेश्वर जो परखेया करदे हिन, जिस जो कि न असा रे पित्र चुक्की सके थिये ते ना असा चुक्की सकदे,

प्रेरितां रे कम्म 5:9

पतरस ने तिसजो बोल्लेया, ए कै गल्ल है कि तुसा दोन्नां ने प्रभु री आत्‍मा री परिक्षा तांइ इक्क मन बणाया? दिख, तेरे लाड़े रे गाड़णे वाले दुआर पर ही खड़ित्ते रे हिन ते तेरे जो भी बाहर लेई जाणा

1 कुरुन्थियों 10:9

ते नां असा जो मसीह यीशु जो परखणा चाएदा, जिय्यां तिन्हा बिच का मते जणेया ने कित्तेया, ते से जहरिल्ले कीड़े रे कटणे कने मरी गे।

इब्रानियों 3:9

तित्ते तुसा रे पूरखां ने चाली साल तिकर मेरे चमत्कार दिखणे रे बावजूद भी मेरे सबर जो बड़ा परखेया थिया।