मत्ती 4:12 - चम्बयाली नौआ नियम

¹² अते जां यीशु ने ए सूणेया कि यूहन्ना कैद करी लित्तेया गे रा है, तां से यहूदिया जिले का निकली करी गलील प्रदेश जो हटी गे।

मत्ती 4:12 ပူးပေါင်းရင်းမြစ်များ

मत्ती 11:2

यूहन्ना ने जेल बिच मसीह यीशु रे कम्मां री खबर सुणी करी अपणे चेल्‍लेयां जो तिन्हा का ए पूच्छणे भेजेया,

मत्ती 14:3

किजोकी ए ओई हेरोदेस थिया जिनिये यूहन्ना जो बन्धी बणाई करी, संगलां कन्ने बन्नी करी जेल्लां बिच पाई दित्तेया थिया ए उसने हेरोदियास रे बोलणे पर कित्तेया थिया, जे पैल्ले उसेरे भाई फिलिप्पुस री लाड़ी थी।

मरकुस 1:14

यूहन्ना जो जेल बिच पाई दित्ता गेया किजोकी तिसने हेरोदेस जो तिसेरे पाप रे खलाफ चितौणी दित्ती थी ते तिसेरे पकडाए जाणे रे कुछ समय बाद यीशु ने गलील प्रदेश बिच आई करी परमेश्वर रे राज रा सुब बसेख प्रचार कित्तेया,

मरकुस 6:17

हेरोदेस राज्जे ने अपणे भाई फिलिप्पुस री लाड़ी हेरोदियास री वजह कने, जिस कने तिनिये ब्याह करी लित्तेया थिया, लोक्कां जो भेज्जी करी यूहन्ना जो पकड़व़ाई करी जेल बिच पुआई दित्तेया थिया।

लूका 23:5

पर से होर भी जोर पाणा लगे अते बोलणा लगे, ए सारे यहूदियां बिच मणूआं जो अपणी उपदेस देई करी तिन्हा बिच दंगे करदा है अते ए सब किच्‍छ इन्ने गलील प्रदेश का सुरु कित्तेया थिया।

लूका 3:20

तां राजा हेरोदेस ने यूहन्ना जो पकड़ी करी जेह्ल बिच पाई दित्तेया अते तिन्ने इक्क होर गलत कम्म अपणे गलत कम्मां कने जोड़ी लेया)।

लूका 4:14

फिरी यीशु पवित्रात्मा री ताकत कने भरी करी गलील प्रदेश जो चली गे ते तिन्हेरे कम्मां री खप्प गलील, ते अख्खी-बख्खी रे सबणी देसां अन्दर होणा लग्गी।

लूका 4:31

फिरी यीशु गलील रे कफरनहूम कस्बे जो गे अते विश्राम दिन पर मणूआं जो उपदेस देया करदे थिये।

यूहन्ना 1:43

दूए दिन यीशु ने गलील प्रदेश जाणे रा फैसला कित्तेया। से फिलिप्पुस कने मिल्लेया कने बोल्लेया, मेरा चेल्ला बणने तांइ पीच्छे आई जा।

यूहन्ना 2:11

यीशु ने गलील प्रदेश रे काना बिच अपणाए पैल्ला चमत्कार दिखाई करी अपणी महिमा दिखाई, इसेरी वजह कने तिन्हेरे चेल्‍लेयां ने तिन्हा पर विश्वास कित्ता।

यूहन्ना 3:24

यूहन्ना तिस बेल्ले तिकर जेलखाने बिच नी पायरा थिया।

यूहन्ना 4:43

फिरी तिन्हा दो दिना रे बाद से तित्ते का निकली करी गलील प्रदेश जो चली गे।

यूहन्ना 4:54

ए दूज्जी निशानी थी जे यीशु ने यहूदियां प्रदेश का गलील प्रदेश जो हटी आणे का बाद कित्ता थिया।