मत्ती 3:9 - चम्बयाली नौआ नियम

⁹ अते अपणे-अपणे मनां अन्दर ए मत सोच्चो कि असा रा प्यो अब्राहम है, किजोकी मैं तुसा जो बोलदा, कि परमेश्वर इन्हा बट्टेयां बिच का भी अब्राहम तांइ औलाद पैदा करी सकदा।

मत्ती 3:9 ပူးပေါင်းရင်းမြစ်များ

मरकुस 7:21

किजोकी मणू रे मन का, बुरी-बुरी गल्लां, व्यभिचार, चोरी, खून करणा,

लूका 12:17

ते से अपणे मनां अन्दर सोचणा लगेया, कि अवे मैं कै करां? इतणा सारा अनाज कुते रखगा, मेरे का तां रख्खणे तांइ जगाह् भी नी है?

लूका 16:24

तां तिस अमीर मणू ने जोरे कने हक्क मारी करी बोल्लेया, ओ पिता अब्राहम! मेरे पर तरस खाओ ते इस लाज़र जो मेरे का भेज्जी देयो कि ए अपणी उंगली जो सेड़ी करी मेरी जिब्ब जो ठण्डा करी जाओ, किजोकी मैं तां इस आग्ग रे सेक कने फुक्की चले रा है।

लूका 19:40

यीशु ने जवाब दित्ता जे ए मणू चुप होई गे तां रस्ते रे बट्टेयां ने बोल्ली पैणा।

लूका 3:8

तुसा जो अपणे कम्मां का ए जताणा पैणा कि तुसा अपणे सच्ची पाप्पां का तौबा करी लित्ते री है, अते तुसा अपणे मना बिच ए मत सोच्चो अब्राहम असा रा प्यो है, मैं तुसा जो बोल्दा, परमेश्वर तां इन्हा बट्टेयां का अब्राहम तांइ बच्चे पैदा करी सकदा।

लूका 5:22

पर यीशु तिन्हेरे मन री गल्ल जो समजी गे, ते तिन्हा जो जवाब दित्तेया, तुसा अपणे मन अन्दर इय्यां किजो सोचदे, मैं परमेश्वर री बेज्ज़ती करेया करदा है?

लूका 7:39

ए दिख्खी करी, से फरीसी मणू जिनिये यीशु जो सद्दे रा थिया, अपणे मन अन्दर सोच्णा लग्गेया कि, अगर यीशु सच्चे भविष्यद्वक्ता हुन्दे तां इन्हा जो ए पता लग्गी जाणा थिया कि इन्हा जो छुणे वाली ए जनानी कुण है अते कदेइ है, किजोकी ए तां पापण है।

यूहन्ना 8:33

तिन्हा ने उन्हा जो जवाब दित्ता, असी तां अब्राहम रे ‍खानदान का हिन, ते कदी कुसकी रे गुलाम नी होए, फिर तुसा किय्यां बोलदे की तुसा अजाद होई जाणा?

यूहन्ना 8:37

मैं जाणदा कि तुसा अब्राहम रे ‍खानदान का हिन तां भी तांइ तुसा मेरे जो मारी रखणा चाह्‍ंदे किजोकी मेरी शिक्षा जो नी मनदे।

यूहन्ना 8:53

असा रे पुरखा अब्राहम तां मरी गेया, कै तुसा तिन्हा का भी बड्डे हिन? ते भविष्यद्वक्ता भी मरी गे तुसा अपणे आप जो कै दसदा?

प्रेरितां रे कम्म 13:26

ओ भाईयों, तुसा जे अब्राहम री औलाद हिन, ते जे तुसा परमेश्वर रा डर मनणे वाले हिन, परमेश्वर ने तुसा तांइ मसीह यीशु रे बारे बिच ए बसेख भेज्जे रा है जे लोक्कां जो बचांदे।

प्रेरितां रे कम्म 15:14

शमौन ने जिस जो पतरस भी बोलदे असा जो समजाया कि परमेश्वर ने गैर यहूदी लोक्कां पर कदेइ कृपा कित्ते री है कि तिन्हा बिच का किच्‍छ जो अपणे तांइ चुणी लित्तेया।

रोमियों 4:1

तां फिरी असा जो यहूदी होणे रे नाते अपणे पुरखे अब्राहम रे बारे बिच कै बोलणा चाएदा? कुस वजह कने तिन्हा जो धार्मिक गिणेया गेया?