मत्ती 3:8 - चम्बयाली नौआ नियम

⁸ अपणे कम्मां कने साबित करो कि तुसा अपणे पाप्पां का तौबा करी लित्ते री है ते दोबारा पाप्पां बिच मत पैंदे।

मत्ती 3:8 ပူးပေါင်းရင်းမြစ်များ

मत्ती 21:32

किजोकी यूहन्ना बपतिस्मा दैणे वाला धार्मिकता रा रस्ता दसदे होए तुसा का आया, ते तुसा ने तिसेरा विश्वास नी कित्ता पर महसुल लैणे वालेया ने ते वेश्या ने तिसेरा विश्वास करी के अपणे पाप्पां का तौबा कित्ती ते तिसेरे गलाए चलणा लग्गी पये, ते तुसा ए दिख्खी करी बाद बिच भी नी पछताए की तिसेरा विश्वास करी लिदें।

लूका 3:8

तुसा जो अपणे कम्मां का ए जताणा पैणा कि तुसा अपणे सच्ची पाप्पां का तौबा करी लित्ते री है, अते तुसा अपणे मना बिच ए मत सोच्चो अब्राहम असा रा प्यो है, मैं तुसा जो बोल्दा, परमेश्वर तां इन्हा बट्टेयां का अब्राहम तांइ बच्चे पैदा करी सकदा।

प्रेरितां रे कम्म 26:20

पर पैल्ले दमिश्क कस्बे रे, फिरी यरुशलेम सहर रे, ते फिरी तां यहूदियां प्रदेश रे सारे देस रे रैह्णे वालेयां जो ते गैर यहूदी लोक्कां बिच प्रचार करदा रेया, कि अपणे पाप्पां का तौबा करी के परमेश्वर का हटी आओ।

इफिसियों 5:8

तुसा पैल्ले न्याहरे बिच जीणे वाले मणूआं सांई थिये, पर अवे तुसा रौसनी रे मणू हिन किजोकी तुसा परमेश्वर रे मणू हिन। इधेरे तांइ रौसनी रे मणूआं सांई जिन्दगी जियो।

इफिसियों 5:9

किजोकी रौसनी बिच जीणे वाले मणूआं रा स्वभाव हर तरिक्के कने भला, ते धार्मिकता ते भरोसेमंद है।

फिलिप्पियों 1:11

तुसा री जिन्दगी मसीह यीशु रे जरिए परमेश्वर री धार्मिकता रे कम्मां कने भरदी जाए जिस कने परमेश्वर री बड़ाई ते तारीफ हुंदी रे।