मत्ती 3:5 - चम्बयाली नौआ नियम

⁵ यरुशलेम, यहूदिया, यरदन अते आस्से-पास्से रे सबणी इलाकेयां रे मते सारे मणू यूहन्ना बपतिस्मा दैणे वाले का आये।

मत्ती 3:5 ပူးပေါင်းရင်းမြစ်များ

मत्ती 2:1

जां राज्जा हेरोदेस यहूदियां प्रदेश पर राज करेया करदा थिया, तिन्हा दिनां बिच ही यहूदियां प्रदेश रे बैतलहम कस्बे अन्दर यीशु पैदा होए, ते तिन्हेरे पैदा होणे रे थोड़े समय का बाद किच्‍छ ज्योतिषी जे तारे भी पढ़दे थिये, से पूरवी देसां का यरुशलेम सहर बिच आई करी ए पूच्छणा लगे,

मत्ती 4:25

इधेरे तांइ यीशु रे पीच्छे मणूआं री इक्क भीड़ गलील जिले, दिकापुलिस, यरुशलेम सहर, यहूदियां ते यरदन दरिया रे पार का चली पेई।

मरकुस 1:5

यहूदियां जिले ते यरुशलेम सहर का मते सारे निकली करी तिसेरे नेड़े गे, ते अपणे पाप्पां जो मन्नी करी यरदन नदी बिच तिसका बपतिस्मा लित्तेया।

लूका 16:16

जां बपतिस्मा दैणे वाला यूहन्ना परमेश्वर रा सुब बसेख सुणादा थिया, तां तांइ मूसा रे जरिए दित्ते गेरे परमेश्वर रे कानून अते भविष्यद्वक्तां रे सुब बसेख ही मणूआं रा मार्ग दर्शन करदे रे, अवे परमेश्वर रे राज रे सुब बसेख मणूआं तांइ पूज्जेया करदी है ते तिस अन्दर जाणे तांइ मणू उताह्ल्ले होया करदे हिन।

लूका 3:3

अते तिसने यरदन नदी रे अरे-परे रे सबणी इलाकेयां बिच जाई-जाई करी मणूआं जो तिन्हेरे पाप्पां री माफी तांइ मन फिराणे ते बपतिस्मा लैणे रे बारे अन्दर प्रचार करणा लग्गेया।

लूका 3:7

यूहन्ना ने तिन्हा सबणी मणूआं जो बोल्लेया, जे तिसका बपतिस्मा लैणे जो आए रे थिये, ओ जहरिल्ले सप्प सांई बुरे लोक्कों, तुसा जो कुसने दस्सेया तुसा परमेश्वर रे आणे वाले क्रोध का बचो?

यूहन्ना 3:23

यूहन्ना भी शालेम रे नेड़े सामरिया प्रदेश रे एनोन नां रे ग्रां बिच बपतिस्मा दिंदा थिया किजोकी तित्ते बड्डा वरी पाणी थिया कने मणू आई करी बपतिस्मा लिन्दे थिये।

यूहन्ना 5:35

से तां बलदा कने चमकदा होया दीया है कने तुसा जो थोड़ी देर तक तिसेरी रौसनी बिच मस्त होणा ठीक लग्गेया