मत्ती 27:4 - चम्बयाली नौआ नियम

⁴ ते बोल्लेया, मैं बेगुनाह मणू जो मरवाणे तांइ पकड़वाई करी पाप कित्तेया, तिन्हा ने बोल्लेया, असा जो तिसेरी कोई परवाह नी? से तेरी दिक्कत है।

मत्ती 27:4 ပူးပေါင်းရင်းမြစ်များ

मत्ती 27:19

जां से हिसाब-किताब री गद्दी पर बैठ्ठे रा थिया तां तिसेरी लाड़ी ने तिसजो बोल्ली भेज्जेया, तू तिस धार्मिक रे मामले बिच हत्थ मत पादां, किजोकी मैं अज्ज सुपने बिच तिसेरी वजह कने बड़ी तकलीफ झेलि री है।

मत्ती 27:54

तां सूबेदार ते जे तिन्हेरे कने यीशु रा पैह्रा देया करदे थिये, हिल्लण ते जे किच्‍छ होया थिया तिसजो दिखिकरी बड़े वरी डरी गे ते बोल्लेया, सच्ची ए परमेश्वर रा पुत्तर थिया!

लूका 23:22

पिलातुस ने मणूआं का तिज्जी वरी पूच्छेया, इस मणू री कै गलती है? मेरे जो इसेरे खिलाफ कोई इदेयी गल्ल नी लिब्बी जे मैं इसजो मौत री सजा देयां इधेरे तांइ मैं इसजो बेत लगवाई करी छडी दिन्दा

लूका 23:41

असा ने जे भी बुरे कम्म कित्ते तिधेरी सजा असा जो मिलया करदी है पर इस मणू ने तां इदेया किच्‍छ भी नी कित्तेया।

लूका 23:47

तां रोमी सपाईयां रे हिसाब ने जे किच्‍छ भी होया थिया तिसजो दिख्खेया अते परमेश्वर री तारिफ करदे बोल्लेया पक्का ए इक्क धार्मिक मणू थिया।

यूहन्ना 19:7

यहूदी अधिकारियां ने तिसजो जवाब दित्तेया, असा रे नियम हिन जे बोलदे हिन, इसजो मरणा पैणा किजोकी इसने अप्पु जो परमेश्वर रा पुत्तर दस्सेया है।

प्रेरितां रे कम्म 13:28

हाकिम पिलातुस ने जां तिन्हा जो मारी दैणे लायक कोई कसुर नी पाया, तां भी पिलातुस रे छंदे कित्ते की, कि तिन्हा जो मारी दित्तेया जाये।

रोमियों 3:19

असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

1 तीमुथियुस 4:2

झूठ्ठी शिक्षां दैणे वाले मणू कपट हिन। तिन्हा जो इस गल्ल री सुद्ध नी रैह्णी कि से जे करेया करदे हिन से सही भी है या नी, बिल्कुल तिय्यां ही जिय्यां कि भखदे लोहे कने फुकित्ते री चमड़ी सुन्न होई जांदी।

तीतुस 1:16

ए झूठ्ठी शिक्षा दैणे वाले मणू हिन जे परमेश्वर जो जानणे रा दावा ता करदे पर तिन्हेरे कम्म दिखांदे कि से मणू तिन्हा जो नी जाणदे। से नफरत करणे ते परमेश्वर री हुकमां री ना-फरमानी करणे वाले मणू हिन ते कोई भी खरा कम्म करणे रे जोग्गे नी हिन।

इब्रानियों 7:26

इदेया ही प्रधान पुरोत्त असा री जरुरतां जो पूरा करी सकदा, जे पवित्र, बेगुनाह, सुच्चा, पाप करणे वालेयां सांई ना हो ते जिस जो आसमान का भी उच्चा चुक्केया गे रा हो।

1 यूहन्ना 3:12

असा जो आदम रे पुत्तर कैन सांई नी बणना जे उस शैतान रे पास्से का थिया, ते जिनिए अपणे भ्याल जो मारी रख्खेया, तिसने अपणे भ्याल जो भला किजो मारेया? तिसने इधेरे तांइ इदेया कित्तेया कि तिसेरे कम्म बुरे थिये अते तिसेरे भ्याल रे कम्म धार्मिक थिये।

प्रकाशित वाक्य 11:10

धरती बिच रैह्णे वालेयां ने तिन्हेरे मरणे कने खुस अते मग्न होई जाणा, अते तिन्हा इक्क दूज्जे जो भेंटा भेजणी, किजोकी इन्हा दोनां भविष्यद्वक्ता ने धरती बिच रैह्णे वालेयां जो तंग कित्तेया थिया।