मत्ती 26:5 - चम्बयाली नौआ नियम

⁵ पर से बोलदे थिये, पर्व रे बेल्ले नी कुथकी इय्यां ना हो की लोक्कां रे मन बिच बलवा मची जाए।

मत्ती 26:5 ပူးပေါင်းရင်းမြစ်များ

मत्ती 14:5

इधेरे तांइ हेरोदेस तिसजो मारी दैणा चांह्दा थिया, पर से लोक्कां का डरदा थिया किजोकी मणू यूहन्ना जो भविष्यद्वक्ता मनदे थिये।

मत्ती 21:26

ते जे बोलिये मणूआं रे पास्से का, तां असा जो भीड़ रा डर है, किजोकी से सारे यूहन्ना जो भविष्यद्वक्ता मनदे।

मत्ती 27:24

जां पिलातुस ने दिख्खेया कि किच्‍छ भी नी बणेया करदा है पर तिसेरे उलट हगांमा बदेया जाया करदा है तां तिनिये पाणी लेई करी भीड़ रे सामणे अपणे हत्थ धोए ते बोल्लेया मैं इस धार्मिक रे खून का बेगुनाह है तुसा ही जाणो।

मरकुस 14:12

अखमीरी रोट्टी रे त्योहर रे पैल्ले रोज्जे, जिस अन्दर से फसह रा मेमना कुर्बान करदे थिये, यीशु रे चेल्‍लेयां ने तिन्हा का पूच्छेया, “तुसां कुते चाह्‍ंदे कि असी जाई करी फसह री रोट्टी खाणे री तयारी करण?”

मरकुस 14:2

पर बड्डे पुरोत्त ते शास्त्रि मणू बोल्दे थिये, “असां ए कम्म त्योहर वाले रोज्जे नी करणा, कुदखी इय्यां ना हो कि मणूआं अन्दर दंगा होई जाओ।”

मरकुस 14:27

जां से मणू रस्ते बिच थिये, तां यीशु ने अपणे चेल्‍लेयां जो बोल्लेया, “तुसां सबणी जणेया ने मेरे जो छड्डी दैणा, किजोकी पवित्रशास्त्र बिच लिख्खे रा है, ‘मैं रखवाले जो मारणा, ते भेड़ां ने तितर-बितर होई जाणा।’

लूका 20:6

अते अगर असा ने बोल्लेया, कि मणूआं रे पास्से का थिया, तां इत्ते जितणे भी मणू हिन तिन्हा असा जो मारी छडणा, किजोकी इन्हा मणूआं री नजरा बिच यूहन्ना तां इक्क भविष्यद्वक्ता थिया

लूका 22:7

तां फिरी अखमीरी रोट्टी रा त्योहर आया, जिस अन्दर छेल्लू री कुर्बानी दिन्दे थिये।

यूहन्ना 18:28

फिरी से यीशु जो काईफा रे किले का रोमी राजपाल रे किला लेई गे। भ्याग रा बेल्ला थिया यहूदी मणू राजपाल रे किला बिच अप्पु नी जाणा चाह्‍ंदे थिये कि कुदखी से भिठ्ठे नी होई जाओ, अते फसह री रोट्टी नी खाई सको।

प्रेरितां रे कम्म 19:29

ते होर लोक्कां ने सारे सहर बिच बड़ी कहला रा शोर सुणी करी तिस भीड़ बिच मिली गे ते गयुस ते अरिस्तर्खुस मकिदुनिया प्रदेश जो, जे कि पौलुस रे कने सफर करेया करदे थिये पकड़ी लेया ते तिन्हा जो रंगशाला बिच लेई गे।

प्रेरितां रे कम्म 21:38

कै तू से मिस्री नी है, जे इन्हा रोज्जां का पैल्ले दुश्मण बणाई करी, चार झार कटारबन्द मणूआं जो बणा अन्दर लेई गेया?

प्रेरितां रे कम्म 4:28

कि जे किच्‍छ तुसा री ताकत ते सोच रे हिसाब कने ठैहरे, से ही करणे रा फैसला कित्ता।