मत्ती 24:3 - चम्बयाली नौआ नियम

³ जां से जैतून पहाड़ पर बैठ्ठे रे थिये, तां चेल्‍लेयां ने किल्ले बिच तिन्हेरे का आई करी बोल्लेया, असा जो दस्सो ए गल्लां कधाड़ी होणी? तुसा रे आणे रा ते दुनिया रे खतम होणे री कै निशानी होणी?

मत्ती 24:3 ပူးပေါင်းရင်းမြစ်များ

मत्ती 13:36

फिरी यीशु लोक्कां री भीड़ जो छड्डी करी घरे चली गे तां चेल्‍ले आई करी यीशु जो बोल्णा लग्गे, खेत्तर री जंगली घा रा उदारण असा जो समझाई देयो।

मत्ती 13:49

दुनिया रे अंत बिच भी किच्‍छ इय्यां ही होणा, स्वर्गदूत ने आई करी बुरे लोक्कां जो भले अते नेक मणूआं का बखरा करी के नरक रे आग्ग बिच पाई दैणा।

मत्ती 15:12

तां चेल्‍लेयां ने आई करी तिन्हा जो बोल्लेया, कै तुसा जाणदे हिन कि फरीसी तुसा री गल्ल रा बड़ा बुरा मन्नी गेरे हिन?

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मत्ती 16:28

“मैं तुसा कने सच बोलदा कि इत्ते खड़ितेरे लोक्कां बिच का किच्‍छ, इदेय भी हिन कि जां तांइ मणू रे पुत्तर, जे मैं ही है जो तिसेरे राज बिच का आन्दे नी दिख्खी लिन्दे, तां तांइ तिन्हा ने मौत नी दिखणी।”

मत्ती 17:19

फिरी चेल्‍लेयां ने कल्ले बिच यीशु का आई करी पूच्छेया असा तिसजो किजो नी निकाली सके?

मत्ती 21:1

जां से यरुशलेम सहर रे नेड़े आई रेह् अते जैतून पहाड़ पर बैतफगे पूज्जे, तां यीशु ने दो चेल्‍लेयां जो ए बोल्ली करी भेज्जेया,

मत्ती 24:27

किजोकी जिय्यां बिजली पूरब का लेई करी पश्चिम तकर चमकदी, तिय्यां मणू रे पुत्तर, जे मैं ही है रा आणा भी होणा।

मत्ती 24:30

तां मणू रे पुत्तर, जे मैं ही है री निशानी आसमान बिच दिसणी, ते तां दुनिया रे सारे कुल रे लोक्कां ने अपणी छाती कुटणी ते मणू रे पुत्तर, जे मैं ही है जो बड़ी ताकत ते महिमा कने बदलां पर आदें दिखणा।

मत्ती 24:37

जदेय नूह रे दिन थिये, तिय्यां ही मणू रे पुत्तर, जे मैं ही है रा भी आणा होणा।

मत्ती 24:39

ते जां तिकर तिन्हा जो रुढ़ाई करी लेई ना गेया, तां तिकर तिन्हेरे जो किच्‍छ भी पता नी चलेया तिय्यां ही मणू रे पुत्तर, जे मैं ही है रा आणा भी होणा।

मत्ती 24:43

पर ए जाणी लेयो की जे मालक जाणदा की चोर ने कुस बेल्ले आणा तां से जागदा रैहन्दा, ते अपणे घर बिच तिसजो बढ़ना नी दिंदा।

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

लूका 21:7

अते से मणू यीशु का पूछणा लगे, गुरु जी, ए गल्लां कधाड़ी होणी? अते ए गल्लां जे होणे वालियां हिन, इसजो समजणे तांइ कै निशानी होणी?

प्रेरितां रे कम्म 1:7

यीशु ने तिन्हा जो जवाब दित्तेया, “से कुस बेल्ले या कुस युग बिच होणी, से सिर्फ परमेश्वर रे हक बिच हिन ते से तुसा रे जानणे तांइ नी हिन।

इब्रानियों 9:26

जे अगर तिन्हा जो अप्पु जो हर साल कुर्बानी होणे तांइ दैणा पैंदा, तां तिन्हा जो दुनिया रे बणाए जाणे रे समय ला लेई करी अब्बे तिकर, घड़ी-घड़ी कुर्बानी दैणे पैंदे। पर इसेरे बजाए, तिन्हा ने इक्क ही वरी, हमेसा तांइ सारे लोक्कां तांइ अपणा कुर्बानी देई करी असा सारेयां रे पाप्पां जो मिटाई दित्तेया।