मत्ती 21:3 - चम्बयाली नौआ नियम

³ जे कोई तुसा जो किच्‍छ बोल्ले, तां बोल्ली देयो कि प्रभु जो इसेरी जरुरत है, तां तिनिये तिस्सी बेल्ले तिसजो भेज्जी दैणा।

मत्ती 21:3 ပူးပေါင်းရင်းမြစ်များ

मत्ती 21:2

सामणे वाले ग्रां बिच जाओ उत्ते जादें कने ही गधी ते तिसेरा बच्चा बन्ने रा मिलणा तिन्हेरे जो खोल्ली करी लेई आओ।

मत्ती 21:4

ए इस तांइ होया कि जे गल्ल भविष्यद्वक्ता रे जरिए बोल्ली गेई थी से पूरी हो;

यूहन्ना 17:2

किजोकी तुसा ने अपणे पुत्तर जो पूरी मणू जाति पर हक दित्ते रा है कि से, हर इक्क जो, जिन्हा जो तुसा ने तिसजो दित्ते रा है, हमेसा री जिन्दगी देयो।

यूहन्ना 3:35

“पिता” अपणे पुत्तर कने प्यार रखदा, ते तिन्हा ने सारी चीजां पुत्तर रे हत्थां अन्दर देई दित्ते री हिन,

प्रेरितां रे कम्म 17:25

न कुसकी चीजां तांइ मणू रे हत्थां री जरुरत है, किजोकी से तां अप्पु ही सब जो जिन्दगी ते होर किच्‍छ भी दिन्दा।

2 कुरुन्थियों 8:16

परमेश्वर रा शुकर हो, जिन्हा ने तुसा तांइ से ही फिकर तीतुस रे मन बिच पाए री है, जे मेरे जो भी है।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।