मत्ती 2:6 - चम्बयाली नौआ नियम

⁶ ‘ओ बैतलहम, तू जे यहूदा प्रदेश बिच है, तू कुसी भी तरिक्के कने यहूदा रे अधिकारियां अन्दर सबका छोटा नी है किजोकी तेरे बिच का इक्क अधिपति ने निकलणा, जिनिए मेरे इस्राएल रे मणूआं री दिख्ख-रिख्ख करणी है।’”

मत्ती 2:6 ပူးပေါင်းရင်းမြစ်များ

मत्ती 2:1

जां राज्जा हेरोदेस यहूदियां प्रदेश पर राज करेया करदा थिया, तिन्हा दिनां बिच ही यहूदियां प्रदेश रे बैतलहम कस्बे अन्दर यीशु पैदा होए, ते तिन्हेरे पैदा होणे रे थोड़े समय का बाद किच्‍छ ज्योतिषी जे तारे भी पढ़दे थिये, से पूरवी देसां का यरुशलेम सहर बिच आई करी ए पूच्छणा लगे,

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

यूहन्ना 21:16

तिन्हा ने फिरी दूज्जी वरी तिसजो बोल्लेया, ओ शमौन, यूहन्ना रे पुत्तर, कै तू मेरे कने प्यार करदा? तिन्ने तिन्हा जो बोल्लेया, हाँ प्रभु, तुसा तां जाणदे हिन कि मैं तुसा कने बड़ा प्यार करदा। तिन्हा ने तिसजो बोल्लेया, मेरी शिक्षा जो मनणे वाले लोक्कां जो भेड़ां सांई सम्भाल।

यूहन्ना 7:42

कै पवित्रशास्त्र बिच ए नी लिख्खे रा है कि मसीह ने दाऊद रे ‍खानदान, ते बैतलहम ग्रां का आणा, जित्ते दाऊद रैह्‍ंदा थिया?

इफिसियों 1:22

परमेश्वर ने सब किच्‍छ मसीह यीशु रे हक बिच करी दित्तेया, ते कलीसिया रे फायदे तांइ तिन्हा जो हर इक्क चीज पर प्रधान बणाया।

कुलुस्सियों 1:18

से ही कलीसिया जो, जे तिन्हेरे सरीर सांई है, सही मायने बिच चलांदे ते से अप्पु कलीसिया रे सिर हिन। से ही सुरुआत हिन, ते से ही मुर्देयां बिच का फिरी जिन्दे होणे वाले पैल्ले हिन, ताकि हर इक्क चीज बिच से ही प्रधान ठेहरण।

इब्रानियों 7:14

सारे मणू जाणदे कि असा रे प्रभु यीशु यहूदा रे गोत्तर बिच पैदा होए, ते मूसा ने कदी भी यहूदा रे ‍खानदान बिच का कुसकी रे भी पुरोत्त बणने रे बारे बिच कदी नी बोल्लेया, ते अज्ज तिकर यहूदा रे ‍खानदान बिच का कोई भी पुरोत्त बणे रा है।

प्रकाशित वाक्य 11:15

जां सत्तमें स्वर्गदूत ने तुरही बजाई, तां फिरी मैं स्वर्ग का इस बारे बड्डी जादा अवाज्जां सूणी, “असां रे परमेश्वर ते तिन्हेरे चुणे रे छुटकारा दैणे वाले मसीह जो ही धरती पर राज करणे रा हक है, ते परमेश्वर ने हमेसा-हमेसा तिकर राज करणा।

प्रकाशित वाक्य 2:27

जिय्यां मेरे पिता ने मेरे जो हक दित्तेया, तिय्यां ही मैं भी तिन्हा लोक्कां जो राज करणे रा हक दैणा। तिन्हेरा राज तिस लोहे सांई पक्का होणा जे टुटदा नी, ते तिन्हेरे दुश्मण ने मिट्टी रे टुट्टे रे भांडे सांई होई जाणे।

प्रकाशित वाक्य 7:17

किजोकी उरणू जे सिंहासन रे मझाटे है, तिन्हा ने तिन्हा लोक्कां री इदेइ रखवाली करणी जिय्यां कोई पुहाल अपणी भेड़ां री करदा। परमेश्वर ने तिन्हा लोक्कां जो से ताजा पाणी पुआणे तांइ अपणे कने लेई करी जाणा जिस कने जिन्दगी मिलदी, ते परमेश्वर ने तिन्हा लोक्कां री हाख्खियां का सारे आँसु पूंजी दैणे।