मत्ती 2:4 - चम्बयाली नौआ नियम

⁴ “तां राज्जा हेरोदेस ने यहूदी समाज रे सब बड्डे पुरोत्त जो अते शास्त्रियां जो इकट्ठा करी के तिन्हा जो पूच्छेया, पवित्रशास्त्र रे हिसाब कने मसीह जो कुते पैदा होणा चाएदा?”

मत्ती 2:4 ပူးပေါင်းရင်းမြစ်များ

मत्ती 13:52

यीशु ने उन्हा जो बोल्लेया, दिख्खो, इधेरे तांइ हर इक्क शास्त्रि जे मेरे पर विश्वास करदा, से इक्क घर रे मालक सांई है, जे अपणे ज्ञान रे भण्डार बिच का पुराणी ते नौई शिक्षा लोक्कां जो सिखांदा।

मत्ती 2:3

ए सुणी करी राज्जा हेरोदेस घबराई गेया अते तिसेरे अलावा कने यरुशलेम सहर रे बाकि मणू भी फिकर बिच पेई गे।

मत्ती 2:5

“बड्डे पुरोत्तां ते शास्त्रियां ने हेरोदेस राज्जा जो बोल्लेया, यहूदियां प्रदेश रे बैतलहम कस्बे बिच, किजोकी मीका भविष्यद्वक्ता ने पवित्रशास्त्र बिच इय्यां लिख्खे रा है:

मत्ती 21:15

पर जां बड्डे पुरोत्त ते शास्त्रियां ने इन्हा अनौखी गल्लां जो दिख्खेया जे तिन्हा ने कित्ते थिये, ते मुडेंया जो मन्दिर बिच दाऊद री सतांन री जय हो बोलदे सूणेया, तां से गुस्से होए।

मत्ती 21:23

से मन्दिर बिच जाई करी भाषण देया करदे थिये, तां बड्डे पुरोत्त ते यहूदी लोक्कां रे बुजुर्ग लोक्कां ने तिसेरे का जाई करी तिन्हेरे का पूच्छेया, तू ए कम्म कुस हक्क कने करदा? ते तेरे जो ए हक्क कुनिये दित्ते रा है?

मत्ती 26:3

तां बड्डे पुरोत्त ते प्रजा रे बुजुर्ग मणू काईफा नां रे प्रधान पुरोत्त रे अगँणे कठ्ठी गे,

मत्ती 26:47

से ए बोल्लेया ही करदे थिये की यहूदा जे बारां बिच का इक्क थिया, आया ते तिसेरे कने बड्डे पुरोत्त ते लोक्कां रे बुजुर्ग मणू रे पास्से का बड्डी भीड़, तलवारां ते लठ लेई करी आई।

मत्ती 27:1

भ्याग हुन्दे ही सारे बड्डे पुरोत्तां, मन्दिर रे बुजुर्गां अते शास्त्रियां ने यीशु जो मारी रखणे री सलाह कित्ती।

मत्ती 7:29

किजोकी से तिन्हा जो तिन्हेरे शास्त्रियां सांई नी बल्कि इक्क अफसरां सांई उपदेस थिये देया करदे।

मरकुस 8:31

तां यीशु अपणे चेल्‍लेयां जो सिखाणा लग्गे कि मणू रे पुत्तर, जे मैं ही है जरुरी है कि बड़े दुख झेल्ले, ते यहूदी मणूआं रे बुजुर्ग लोक, बड्डे पुरोत्तां, अते शास्त्रि तिसजो तुच्छ समजी करी के मारी दैण, अते से तिज्जे रोज्जे जिन्दा होई जाए।

लूका 20:19

तिस्सी बेल्ले शास्त्रि अते बड्डे पुरोत्त ने कोई तिगड़म लाई करी यीशु जो पकड़ी लैणा चाह्‍ंदे थिये किजोकी से समजी गेरे थिये, कि यीशु ने से उदारण तिन्हेरे ही खिलाफ बोल्लेया पर से मणूआं का डरदे थिये।

लूका 23:10

बड्डे पुरोत्त अते शास्त्रि ने तित्ते भी यीशु पर इल्जाम लगाणे तांइ कोई कसर नी छडी

यूहन्ना 18:3

इधेरे तांइ यहूदा रोमी सपाईयां रा इक्क झुन्ड़ अते बड्डे पुरोत्तां ते फरीसियां रे भेज्जे रे मणू, अते मन्दिर रे पैहरेदारां कने मशाल, दीये, अते हथियार लेई करी तित्ते आई गेया।

यूहन्ना 3:10

ए सुणी करी यीशु ने बोल्लेया, तू इस्राएलियों रा गुरु होई करी भी कै इन्हा गल्लां जो भी नी समजदा?

यूहन्ना 7:32

फरीसी ने लोक्कां जो उन्हेरे बारे बिच ए गल्लां लुकी करी करदे सुणेयां ते बड्डे पुरोत्तां ते फरीसी ने तिन्हेरे जो पकड़ने तांइ मन्दिर रे सिपाई भेज्जे।

यूहन्ना 8:3

जां से बोल्लेया ही करदे थिये तां शास्त्रि ते फरीसी मणू इक्क जनानी जो लयाये, जे व्यभिचार करदे पकड़ी गे री थी, अते तिसजो लोक्कां सामणे खड़ा करी के यीशु जो बोल्लेया,

प्रेरितां रे कम्म 23:9

फिरी बड़ा रोला पेई गेया ते किच्‍छ शास्त्रि जे कि फरीसी थिये, उठी होए ते ए बोल्ली करी बैह्स-बाजी करणा लग्गी पये, असा जो इस मणू अन्दर कोई खराबी नी मिल्ली, शायद कुसकी दुष्टात्मा या स्वर्गदूत ने तिस कने गल्ल कित्ती हो।

प्रेरितां रे कम्म 4:5

किजोकी अगले दिन सरदार, बुजुर्ग ते शास्त्रि मणू यरुशलेम बिच कठिये।

प्रेरितां रे कम्म 6:12

ते “दास्तव मुक्त” समुह रे लोक्कां ने दूए लोक्कां जो ते बुजुर्ग लोक्कां ते शास्त्रियां जो भड़काया ते तिन्हा ने स्तिफनुस जो पकड़ेया ते सभास्थल बिच लेई आए।