मत्ती 2:2 - चम्बयाली नौआ नियम

² “से मुंडा कुते पैदा होए रा है जिनिये यहूदी लोक्कां रा राज्जा बणना? किजोकी असा पूरब दिसा बिच से तारा दिख्खेया जे तिसेरे पैदा होणे रे बारे बिच दसदा अते असी तिसेरी अराधना करणा आए रे हिन।”

मत्ती 2:2 ပူးပေါင်းရင်းမြစ်များ

मत्ती 2:3

ए सुणी करी राज्जा हेरोदेस घबराई गेया अते तिसेरे अलावा कने यरुशलेम सहर रे बाकि मणू भी फिकर बिच पेई गे।

मत्ती 21:5

“सिय्योन री कुड़ी जो बोल्लो, ‘दिख्ख, तेरा राज्जा तेरे का आदां है; से नमर, ते गधे पर बैठ्ठे रा है; बल्कि लादू रे बच्चे पर।’”

मत्ती 27:11

जां यीशु हाकिम रे सामणे खड़ित्ते रे थिये तां हाकिम ने तिन्हा जो पूच्छेया, कै तू यहूदियां रा राज्जा है? यीशु ने तिसजो बोल्लेया, तू अप्पु ही ए बोल्लेया करदा है।

लूका 19:38

धन्न है से राजा, जे प्रभु रे नां कने आंदा, स्वर्ग बिच सांती अते आसमान बिच परमेश्वर री जे जे कार हो

लूका 2:11

ते से सुब बसेख ए है, कि अज्ज दाऊद राज्जा रे कस्बे बैतलहम अन्दर सबणी मणूआं तांइ इक्क छुटकारा दैणे वाले रा जन्म होया, अते से ही मसीह प्रभु हिन,

लूका 23:3

तां पिलातुस ने यीशु का पूच्छेया, कै तू यहूदी लोक्कां रे राज्जा है? यीशु ने तिसजो जवाब दित्ता, तू अप्पु ही तां बोलदा कि मैं यहूदियां रा राज्जा है

लूका 23:38

यीशु रे सुली रे उप्पर लिखी दित्ता कि ए यहूदी लोक्कां रा राज्जा है।

यूहन्ना 1:49

नतनएल ने तिसजो जवाब दिता, ओ गुरु, तू परमेश्वर रा पुत्तर है, तू इस्राएल रा महाराजा है।

यूहन्ना 12:13

इस तांइ उन्हा ने खजूर री डालियां लित्ती ते उस कने मिलणे जो निकले, ते हक्का मारणा लग्गे, जय हो! धन्न इस्राएल रा राज्जा, जे प्रभु रे नां कने आंदा।

यूहन्ना 18:37

पिलातुस ने तिन्हा जो बोल्लेया, तां तू राज्जा है? यीशु ने जवाब दित्तेया, तू बोलदा कि मैं राज्जा है मैं इधेरे तांइ पैदा होया ताकि सच्चाई री गवाई देयां हर इक्क से मणू जे सच्चाई रे पास्से है, से मेरी गल्लां सूणदा।

यूहन्ना 19:19

पिलातुस ने इक्क तख्ती पर लिखी करी सुली पर लगाई दित्तेया, अते तिस बिच ए लिख्खे रा थिया, नासरत रे यीशु, यहूदियां रा राजा।

यूहन्ना 20:28

ए सुणी करी थोमा ने जवाब दित्येया, ओ मेरे प्रभु, ओ मेरे परमेश्वर

यूहन्ना 5:23

ताकि सब जणे जिय्यां परमेश्वर पिता री बड़ाई करदे तिय्यां ही पुत्तर री भी बड़ाई करेया करण। जे पुत्तर री बड़ाई नी करदा, से पिता री, जिन्हा ने तिसजो भेज्जे रा है, बड़ाई नी करदा।

यूहन्ना 9:38

उनिये बोल्लेया, ओ प्रभु, मैं तुसा पर विश्वास करदा, ते तिन्हा जो प्रणाम कित्ता।

इब्रानियों 1:6

जां परमेश्वर ने अपणे महिमामय मुंडे जो इस दुनिया रे लोक्कां बिच भेज्जेया, तां तिन्हा ने अपणे स्वर्गदूतां जो पुत्तर री अराधना करणे रा हुकम दित्ता।

प्रकाशित वाक्य 22:16

मैं यीशु है! ते मैं ही अपणे स्वर्गदूत जो तुसा जो कलीसिया तिकर ए गल्लां दसणे तांइ भेज्जेया। मैं दाऊद राज्जे रा महान वंशज है, ते मैं ही भ्याग्गे रा सितारा है।