मत्ती 2:16 - चम्बयाली नौआ नियम

¹⁶ जां हेरोदेस राज्जे ने ए दिख्खेया, कि ज्योतिषियां ने तिस कने धोखा कित्तेया है, तां से बड़े वरी गुस्से कने भरी गेया। तिनिये मणूआं जो हुकम देई करी भेज्जेया ताकि से बैतलहम कस्बे अते तिसेरे नेड़े-भेड़े रे सबणी इलाकेयां बिच रैह्णे वाले दो साल्ले रे या इसका छोटे सबनां मुडेंया जो मारी दैण। हेरोदेस ने ए सब ज्योतिषियां रे दस्से रे बेल्ले रे हिसाब कने कित्तेया जां तिन्हा ने से तारा दिख्खेया।

मत्ती 2:16 ပူးပေါင်းရင်းမြစ်များ

मत्ती 2:1

जां राज्जा हेरोदेस यहूदियां प्रदेश पर राज करेया करदा थिया, तिन्हा दिनां बिच ही यहूदियां प्रदेश रे बैतलहम कस्बे अन्दर यीशु पैदा होए, ते तिन्हेरे पैदा होणे रे थोड़े समय का बाद किच्‍छ ज्योतिषी जे तारे भी पढ़दे थिये, से पूरवी देसां का यरुशलेम सहर बिच आई करी ए पूच्छणा लगे,

मत्ती 2:17

तां से वचन जे यिर्मयाह भविष्यद्वक्ता रे जरिए तिस जगाह् रे बारे बिच बोल्लेया गे रा थिया जित्ते याकूब ते तिसेरी लाड़ी राहेल रैहन्दे थिये, से पूरा होया,

मत्ती 2:7

तां हेरोदेस राज्जा ने तारेयां जो पढ़ने वाले तिन्हा ज्योतिषियां जो चुप-चाप सदवाई करी तिन्हा का पूच्छेया, कि से तारा ठीक कुस बेल्ले लिब्बेया थिया ताकि से ए जाणी सके कि से मुंडा कुस बेल्ले पैदा होया थिया।

प्रकाशित वाक्य 12:4

तिसेरी चूमट ने आसमान रे तारेयां री इक्क तिहाई जो खिच्ची करी धरती बिच पाई दित्तेया, अते से अजगर तिस जनानी रे सामणे खड़ी गेया कि जिय्यां ही से बच्चे जो जन्म दे, तां से तिस बच्चे जो खाई जाए।

प्रकाशित वाक्य 17:6

ते मैं दिख्खेया कि से जनानी परमेश्वर रे लोक्कां रे खून कने इदेइ मतवाल्ली होए री थी कि जिय्यां मणू सराब पीणे कने हुंदे, तिन्हा लोक्कां रे खून कने जे इधेरे तांइ मारे गे किजोकी से परमेश्वर तांइ भरोस्सेमंद थिये। मेरे जो बड़ा वरी दुख होया।”