मत्ती 2:12 - चम्बयाली नौआ नियम

¹² पर परमेश्वर ने इक्क सुपने अन्दर तिन्हा ज्योतिषियां जो सावधान करी दित्तेया कि से वापस हेरोदेस का ना जाण, इधेरे तांइ से मणू राज्जे जो बिना दस्से इक्क अलग रस्ते का अपणे देस जो हटी गे।

मत्ती 2:12 ပူးပေါင်းရင်းမြစ်များ

मत्ती 1:20

“जां यूसुफ इन्हा गल्लां रे बारे अन्दर सोच्चेया ही करदा थिया, तां प्रभु रा स्वर्गदूत तिसजो सुपने अन्दर आई करी बोलणा लगेया, ओ यूसुफ! दाऊद री औलाद, तू मरियम जो अपणी लाड़ी बणाणे रा का मत डर, किजोकी जे बच्चा तिसेरे पेट अन्दर है, से पवित्रात्मा रे पास्से का है।

मत्ती 2:13

जां से ज्योतिषी मणू चली गे, तां प्रभु रे इक्क स्वर्गदूत ने यूसुफ जो सुपने अन्दर आई करी बोल्लेया, “उठ, तिस निक्के जो ते तिसेरी मां जो लेई करी मिस्र देस जो नह्सी जा, ते जां तांइ मैं तिज्जो नी बोलगा, तां तांइ तित्ते ही रेयां, किजोकी हेरोदेस राज्जा इस निक्के जो मारणे तांइ तोप्पेया करदा है।”

मत्ती 2:19

हेरोदेस राज्जे रे मरणे का बाद, प्रभु रे स्वर्गदूत ने मिस्र अन्दर यूसुफ जो सुपने अन्दर आई करी बोल्लेया,

मत्ती 2:22

पर जां यूसुफ ने ए सूणेया कि यहूदियां प्रदेश बिच अपणे प्यो हेरोदेस री जगाह् पर अरखिलाउस राज करेया करदा है तां से तित्ते जाणे का डरेया, फिरी सुपने बिच परमेश्वर का चितौणी पाई करी गलील प्रदेश बिच चली गेया।

मत्ती 27:19

जां से हिसाब-किताब री गद्दी पर बैठ्ठे रा थिया तां तिसेरी लाड़ी ने तिसजो बोल्ली भेज्जेया, तू तिस धार्मिक रे मामले बिच हत्थ मत पादां, किजोकी मैं अज्ज सुपने बिच तिसेरी वजह कने बड़ी तकलीफ झेलि री है।

लूका 2:26

ते पवित्रात्मा ने तिस पर ज़ाहिर कित्तेया थिया, कि तैं तां तांइ नी मरणा है, जां तांइ तू परमेश्वर रे भेज्जे रे “मसीह” जो अपणी हाख्खी कने दिख्खी नी लैणा।

प्रेरितां रे कम्म 10:22

तिन्हा ने बोल्लेया, कुरनेलियुस हाकिम जे भला अते पवित्र कने परमेश्वर रा डर मनणे वाला ते सबणी यहूदियां बिच ठीक नां वाला मणू है, तिस स्वर्गदूत ने तिज्जो अपणे घरे सदणे तांइ ते जे किच्‍छ तुसा बोल्णा तिसजो असा जो सुनणे तांइ बोल्ले रा है

प्रेरितां रे कम्म 4:19

पर पतरस ते यूहन्ना ने तिन्हा जो जवाब दित्ता, तुसा अप्पु ही इंसाफ करो, कै ए परमेश्वर रे सामणे खरा है कि असी परमेश्वर का जादा तुसा री गल्ल मनण

प्रेरितां रे कम्म 5:29

पर पतरस ते होर प्रेरितां ने जवाब दित्ता, मणूआं रे हुकम का बधी करी परमेश्वर रे हुकम जो मनणा ही असा री जिम्मेदारी है

1 कुरुन्थियों 3:19

किजोकी परमेश्वर री नजर बिच इन्सानी ज्ञान बेवकूफी है, जिय्यां कि पवित्रशास्त्र बिच लिख्खे रा है, “से ही (परमेश्वर) है, जे ज्ञानी मणूआं जो तिन्हेरी चलाकी बिच फसाई दिंदा,”

इब्रानियों 11:7

विश्वास कने ही नूह ने तिन्हा गल्लां रे बारे बिच जे तिस बेल्ले दिसदी नी थी, चितौणी पाई करी भक्ति कने अपणे घरे रे बचाव तांइ जहाज बणाया, ते तिसेरे जरिए तिनिये दुनिया जो दोषी ठैहराया ते परमेश्वर पर विश्वास करणे री वजह कने तिसजो तिन्हा का इक्क वारिस रे तौर पर धार्मिकता मिली ते जे तिनिये कित्तेया थिया से सही थिया।

इब्रानियों 8:5

जे कम्म ए पुरोत्त लोग करदे, से स्वर्ग बिच होणे वाले कम्म नी हिन, पर सिर्फ तिन्हेरी नकल ते परछाई हिन। जां मूसा परमेश्वर रा तम्बू बणाणे री तैयारी करेया करदा थिया, तां परमेश्वर ने तिसजो खबरदार करी के बोल्लेया, “दिख्ख, जे नमूना तेरे जो पहाड़ पर दिखाया गेया थिया, तिसेरे हिसाब कने ही सब किच्‍छ बणाए।”