मत्ती 18:9 - चम्बयाली नौआ नियम

⁹ अते जे तेरी हाख्खी तेरे का पाप करान्दी, तां तिसजो कड्डी सुट्ट किजोकी टीणा होई करी जिन्दगी बिच आणा इसका केई जादा खरा है, कि दो हाख्खियां हुन्दे सुन्दे तू नरक री आग्ग बिच पाई दित्तेया जाये।

मत्ती 18:9 ပူးပေါင်းရင်းမြစ်များ

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

मत्ती 18:8

जे तेरे हत्थ या तेरे पैर तेरे पाप करणे री वजह बणदे, तां तिन्हा जो कट्टी करी सूटी दे, किजोकी लगंड़ा-लुला होई करी हमेसा री जिन्दगी बिच आणा इसका केई जादा खरा है, कि दो हत्थ अते पैर हुन्दे-सुन्दे तिज्जो हमेसा तिकर बलणे वाली आग्ग बिच पाई दित्तेया जाये।

मत्ती 5:29

जे तेरी सज्जी हाख्खी पाप करणे री वजह बणदी, तां तिसजो कड्डी करी सूटी दे किजोकी तेरे तांइ ए ही खरा है कि तेरे सरीर रे अंगा बिच का इक्क अंग नास होई जाओ अते तेरा सारा सरीर नरक अन्दर नी सुट्टेया जाओ।

मत्ती 5:22

पर मैं तुसा जो बोलदा कि जे कोई अपणे भाई पर गुस्सा करगा, तिसजो सजा मिलणी, अते जे कोई अपणे भाई जो निकम्मा बोल्ले तिसजो कचेरी बिच सजा दित्ती जाणी, अते जे कोई अपणे भ्याल जो बेवकूफ बोलगा, तिसजो नरक री आग्ग बिच पाया जाणा।

प्रकाशित वाक्य 21:27

पर तिस बिच कोई अपवित्र चीज, या बुरा कम्म करणे वाला, या झूठ रा गढणे वाला कुसकी तरिक्के कने तिस बिच आई नी सकणा, पर सिर्फ से मणू जिन्हेरे नां उरणू री जिन्दगी री कताब बिच लिख्खे रे हिन।

इब्रानियों 4:11

इधेरे तांइ असी भी तिस अराम री जगाह् बिच जाणे तांइ हर कोसीस करदे रैह्ण, कुसकी जो भी तिन्हा लोक्कां सांई नी चलणा चाएदा जिन्हा ने परमेश्वर रे हुकमां री ना-फरमानी कित्ती। तां असा ने अराम री जगाह् बिच जाणा।

मरकुस 9:47

जे तेरी आख्खियां पाप करणी री वजह बणे तां तिन्हा जो कड्डी दे किजोकी टीणा होई करी परमेश्वर रे राज बिच आणा, तेरे तांइ इसका खरा है कि दोन्नों हाख्खियां हुंदे भी तू नरक बिच पाया जाए।

मत्ती 19:17

तिन्हा ने तिसजो बोल्लेया, तू मेरे का भलाई रे बारे अन्दर किजो पूच्छेया करदा है? भला तां इक्क ही है, पर जे तू जिन्दगी जो पाणा चांदा, तां हुक्मां जो मन्नेया कर।

मत्ती 16:26

जे मणू सारी दुनिया जो पाई लेंन, ते अपणी जिन्दगी गवाई दे, तां तिसजो कै फायदा होणा? या मणू अपणे प्राण रे बाट्टे कै दिंगा?