मत्ती 13:52 - चम्बयाली नौआ नियम

⁵² यीशु ने उन्हा जो बोल्लेया, दिख्खो, इधेरे तांइ हर इक्क शास्त्रि जे मेरे पर विश्वास करदा, से इक्क घर रे मालक सांई है, जे अपणे ज्ञान रे भण्डार बिच का पुराणी ते नौई शिक्षा लोक्कां जो सिखांदा।

मत्ती 13:52 ပူးပေါင်းရင်းမြစ်များ

तीतुस 1:9

से मसीह यीशु रे भरोस्सेमंद बसेख पर विश्वास करणे वाला मणू होणा चाएदा ते जे असा ने सिखाए रा है ताकि से बाकि मणूआं री तिस बसेख रे मुताबिक चलणे बिच मदद करे ते तिन्हा मणूआं जो सुधारे जे गलत हिन।

मत्ती 12:35

इक्क खरा मणू जे अच्छाई तिसेरे दिल बिच है, तिस बिच का से ठीक ही गल्लां कडदा, अते बुरा मणू जे बुराई तिसेरे दिल बिच है, तिस बिच का बुरा गल्लां कडदा।

लूका 11:49

इधेरे तांइ परमेश्वर रे वचन अन्दर भी बोल्ले रा है, कि मैं तिन्हा का भविष्यद्वक्ता जो ते प्रेरिता जो भेजणा ते तिन्हा ने उन्हा मणूआं बिच का किच्‍छ जो मारी दैणा ते किच्‍छ मणूआं तांइ मुसीबत खड़ी करी दैणी

मत्ती 23:34

इधेरे तांइ दिख्खो, मैं तुसा का भविष्यद्वक्ता, समजदार ते शास्त्रि लोक्कां जो भेजेया करदा है, तुसा उन्हा बिच का किन्नेयां जो मारी दैणा अते किन्नेयां जो सुली पर चढ़ाई दैणा, किन्नेयां जो तुसा अपणी सभास्थल बिच कोड़े लगाणे अते इक्क सहर का दूज्जे सहर उन्हेरा पीच्छा करदे फिरणा।

कुलुस्सियों 3:16

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

कुलुस्सियों 1:7

तुसा ने इसेरी शिक्षा इपफ्रास का पाई, जे मसीह रे बसेख जो फैलाणे बिच असा रा साथी है ते असा पास्से का मसीह रा विश्वासयोग्य सेवक है।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

यूहन्ना 13:34

मैं तुसा जो इक्क नौआ हुकम दिंदा कि इक्क दूए कने प्यार रख्खो, जिय्यां मैं तुसा कने प्यार करदा, तिय्यां तुसा भी इक्क दूये कने दाह-पीड़ रख्खो।

इफिसियों 3:4

जिस जो पढ़ी करी तुसा जाणी सकदे कि मैं मसीह यीशु रे तिस राज़ किन्नी ठीक तरिक्के कने समजदा।

1 तीमुथियुस 3:6

कलीसिया रा बड्डा मुखिया विश्वास बिच भी पक्का होणा चाएदा वरना तिनिये घंमड कने भरी जाणा ते तिसजो से ही सजा मिलणी जे शैतान जो मिल्ली थी।

मत्ती 13:51

यीशु ने अपणे चेल्‍लेयां का पूच्छेया, कै तुसा ए गल्लां समजे? तिन्हा ने यीशु जो बोल्लेया, हाँ!

मत्ती 13:53

जां यीशु ए उदारण बोल्ली बैठे, तां से तित्ते का चली गे।

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।