मत्ती 12:3 - चम्बयाली नौआ नियम

³ पर यीशु ने तिन्हा का पूच्छेया, कि कै तुसा ने पवित्रशास्त्र बिच ए नी पढ़ेया कि दाऊद अते तिन्हेरे मित्तरां ने, जां तिन्हा जो भूख्ख लग्गी थी, तां कै कित्ता थिया?

मत्ती 12:3 ပူးပေါင်းရင်းမြစ်များ

मत्ती 12:2

तां फरीसियां ने ए दिख्खी करी बोल्लेया, कि दिख्ख, तेरे चेल्‍ले से करेया करदे हिन जिसेरा विश्राम दिन करणा मूसा रे नियमां रे हिसाब कने ठीक नी है?

मत्ती 12:4

तिसने परमेश्वर रे तम्बू अन्दर जाई करी परमेश्वर जो चढ़ाये री रोटियां किय्यां खाई थी? जिन्हा जो खाणा ना तां तिसेरे तांइ अते ना तिसेरे साथियां तांइ, पर सिर्फ पुरोत्तां तांइ ठीक थिया।

मत्ती 12:5

या मूसा रे कानून बिच तुसा ए नी पढ़ेया कि विश्राम दिन मन्दिर रे पुरोत्त ही तिसेरी विधि जो तोड़दे हिन अते फिरी भी तिन्हा जो कोई किच्‍छ नी बोलदा।

मत्ती 19:4

उन्हा जो यीशु ने जवाब दित्तेया, कै तुसा ने शास्त्र बिच नी पढ़े रा है कि दुनिया जो रचणे वाले ने सुरु बिच, उन्हा जो इक्क जनानी ते इक्क मड़द रे रुप बिच रचेया थिया?

मत्ती 21:16

ते तिन्हा जो बोलणा लग्गे, कै तू सूणदा कि ए मणू कै हिन बोल्लेया करदे? यीशु ने तिन्हा जो बोल्लेया, हाँ कै तुसा ए कदी नी पढ़ेया: मुडेंया ते दूद्द पिदें बच्चेयां का तू अपणी महिमा कराई?

मत्ती 22:31

पर मरे होए रे फिरी जिन्दे होणे रे बारे बिच कै तुसा ए वचन नी पढ़ेया जे परमेश्वर ने तुसा कने बोल्लेया;

मरकुस 12:10

कै तुसा ने पवित्रशास्त्र अन्दर ए वचन नी पढ़ेया? ‘जिस पत्थर जो मिस्त्रियां ने तुच्छ समजेया थिया, सेह्ई कुणे रा खास पत्थर बणी गेया।

मरकुस 12:26

पर अवे, मरे रे लोक्कां रे जिन्दे होणे रे बारे बिच कै तुसा मूसा री कताबां री तिस बलदी झाड़ी री कहाणी बिच ए नी पढ़ेया? अब्राहम, इसहाक ते याकूब रे मरणे रे मते साल्लां बाद भी परमेश्वर मूसा कने बोलदे, ‘मैं अब्राहम रा परमेश्वर, इसहाक रा परमेश्वर ते याकूब रा परमेश्वर है।’

लूका 10:26

तिन्हा ने जवाब दित्तेया, कि तैं मूसा रे कानून री कताब बिच कै पढ़दा?

लूका 6:3

यीशु ने तिन्हा जो जवाब दित्तेया, कै तुसा ने पवित्रशास्त्र बिच ए नी पढ़ेया कि जां दाऊद अते तिसेरे साथियां जो भूख्ख लग्गी तां उन्हा ने कै कित्तेया थिया?