मत्ती 11:11 - चम्बयाली नौआ नियम

¹¹ मैं तुसा जो सच बोलदा, लोक्कां बिच यूहन्ना बपतिस्मा दैणे वाले का बड्डा कोई पैदा नी होया, पर स्वर्ग रे राज बिच छोटा का छोटा मणू भी यूहन्ना का बड्डा है।

मत्ती 11:11 ပူးပေါင်းရင်းမြစ်များ

मत्ती 11:10

“ए से ही है, जिसेरे बारे बिच पवित्रशास्त्र बिच परमेश्वर ने बोल्ले रा है, ‘दिख्ख, मैं अपणे दूत जो तेरे अग्गे भेजदा, जे तेरे अग्गे तेरा रस्ता तैयार करणा।’”

मत्ती 11:12

जिस बेल्ले का यूहन्ना बपतिस्मा दैणे वाले ने प्रचार करणा सुरु कित्ते रा है तिस बेल्ले का अब्बे तांइ स्वर्ग रे राज बड़ा जादा बदेया करदा है, अते ताकतवर मणू तिस पर हमला करेया करदे हिन।

मत्ती 3:1

तिन्हा रोज्जे यूहन्ना बपतिस्मा दैणे वाला यहूदियां प्रदेश री बियाबान जगाह् अन्दर आई करी ए प्रचार करणा लग्गेया,

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

मत्ती 5:19

इधेरे तांइ जे इन्हा छोटे का छोटे हुक्मां बिच का कुसकी इक्क जो नी मनगा, ते तिय्यां ही होरणी मणूआं जो सिखांगा, तिनिए स्वर्ग रे राज अन्दर सबका छोटा होणा, पर जे कोई इन्हा हुक्मां पर चलगा ते इन्हा जो सिखांगा, तिस्स जो ही स्वर्ग राज अन्दर महान मन्नेया जाणा।

लूका 1:15

किजोकी तिन्ने प्रभु री नजरां बिच महान मणू होणा, तिसजो अंगूर रा रस्स या सराब पीणा मना है, अते से पैदा होणे का पैल्ले ही पवित्रात्मा कने भरपूर होणा।

लूका 7:28

फिरी यीशु ने बोल्लेया, मैं तुसा जो बोल्दा, कि हल्ले तांइ इदेया कोई मणू नी जम्मेया, जे यूहन्ना का बद्धी करी हो पर, परमेश्वर रे राज बिच जे सबका छोटा है, से यूहन्ना का भी बद्धी करी है

लूका 9:48

ते तिन्हा जो बोल्लेया, जे भी मेरे नां कने इस निक्के जो अपणाई लिंदा, से मेरे जो अपणाई लिंदा, ते जे मेरे जो अपणाई लिंदा, से परमेश्वर जो अपणाई लिंदा, जिन्हा ने मेरे जो भेज्जे रा है, किजोकी जे तुसा बिच सबणी का छोटा है, सेह्ई सबणी का बड्ड़ा है

यूहन्ना 1:15

यूहन्ना ने तिसेरे बारे गवाई दिती कने बड़ी हक्कां लाई करी बोल्लेया, “ए से ही है जिसेरे बारे मैं तुसा जो दस्सेया थिया कि जे मेरे बाद आए करदा है सेह मेरे का भी बधी करी है किजोकी से मेरे का भी पैहले थिया।”

यूहन्ना 1:27

जे मेरे बाद आणे वाले है मैं तां तिसेरी जूत्ते रे तसमे खोलणे रे जोग्गा भी नी है

यूहन्ना 10:41

मते सारे मणू तिन्हेरे का आई करी बोलदे थिये, यूहन्ना ने तां कोई चिन्ह-चमत्कार नी दिखाया, पर जे किच्‍छ यूहन्ना ने इन्हेरे बारे बिच बोल्लेया थिया, से सारा किच्‍छ सच थिया।

यूहन्ना 3:30

जरुरी है कि से बधे, ते मैं घटां।

यूहन्ना 5:35

से तां बलदा कने चमकदा होया दीया है कने तुसा जो थोड़ी देर तक तिसेरी रौसनी बिच मस्त होणा ठीक लग्गेया

यूहन्ना 7:39

तिन्हा ने ए वचन पवित्रात्मा रे बारे बिच बोल्लेया थिया, जिस जो उन्हेरे पर विश्वास करणे वाले पाणे वाले थिये किजोकी आत्‍मा हल्ले तिकर नी उतरेया थिया, किजोकी हल्ले तिकर परमेश्वर ने यीशु री महिमा प्रकट नी कित्ती थी।

1 कुरुन्थियों 15:9

किजोकी मैं प्रेरितां बिच सारेयां का छोटा है, बल्कि मैं प्रेरित केहलाणे रे जोग्गा भी नी है, किजोकी मैं परमेश्वर री कलीसिया रे लोक्कां पर जुल्म करदा हुंदा थिया।

1 कुरुन्थियों 6:4

जे अगर तुसा जो इदेइ छोट्टी-मोटी परेसानी रा फैसला करणा पेयो तां तुसा इदेइ गल्लां जो तिन्हा लोक्कां सामणे लेई करी नी जाणा चाएदा जे मसीह यीशु बिच विश्वास नी करदे।

इफिसियों 2:3

असी भी तिन्हा लोक्कां सांई जिन्दगी जिंदे थिये जे अपणे सरीर री बुरी इच्छां जो पूरा करेया करदे ते बाकि मणू कुदरती तौर पर बुरे मणू थिये ते परमेश्वर रे गुस्से रे हिस्सेदार थिये।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

2 तीमुथियुस 1:10

पर अवे, मसीह यीशु जे असा जो छुटकारा दिंदे से दुनिया बिच आए ते तिन्हा ने असा पर अपणा अनुग्रह कित्तेया। तिन्हा ने मौत री ताकत जो हराई दित्ते रा है, ते असा जो दस्सेया कि सुब बसेख रे जरिये हमेसा री जिन्दगी रा रस्ता मिलदा जित्ते असा ने हमेसा तांइ इक्क सरीर बिच वास करणा।

इब्रानियों 11:40

किजोकी परमेश्वर का असा तांइ भंडार बिच किच्‍छ बदिया है। ते से नी चाह्‍ंदे थिये कि से अपणे विश्वास रे मकसद तिकर असा रे बगैर पूज्जे।

1 पतरस 1:10

ए से ही अनुग्रह है जिसेरे बारे बिच भविष्यद्वक्तां होर भी जादा जाणना चाह्‍ंदे थिये। तिन्हा ने इस गल्ल री भविष्यवाणी कित्ती कि तुसा जो बचाणे तांइ परमेश्वर ने तुसा कने इन्नी करुणा करणे बर्ताव करणा जिसेरे तुसा काबिल भी नी थिये। तिन्हा ने जवाब तोपणे तांइ बड़े ध्यान कने खोज कित्ती थी।