मत्ती 11:1 - चम्बयाली नौआ नियम

¹ जां यीशु अपणे बारा चेल्‍लेयां जो हुकम देई दैणे का बाद से गलील प्रदेश रे सहरां बिच उपदेस अते प्रचार करणे जो तित्ते का चली गे।

मत्ती 11:1 ပူးပေါင်းရင်းမြစ်များ

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

मत्ती 4:23

यीशु सारे गलील प्रदेश रे सभास्थल अंदर स्वर्ग रे राज रे सुब बसेख री उपदेस दिंदे अते हर तरह री बिमारियां का खरा अते मणूआं री कमजोरी जो दुर करदे रे।

मत्ती 7:28

इसेरे नतिजे ए होया कि जां यीशु ए गल्लां बोल्ली बैठ्ठे तां मणूआं जो तिन्हेरी उपदेस जो सुणी करी हैरान गई होई,

मत्ती 9:35

तां यीशु अते तिन्हेरे चेल्‍ले गलीली जिले रे मते सारे सहर ते कस्बेयां बिच जाई करी मते सारे सभास्थल बिच उपदेस दिन्दे, परमेश्वर रे राज रे सुब बसेख रा प्रचार करदे, मणूआं री बीमारी अते हर तरह री कमजोरियां जो दुर करदे रे।

मरकुस 6:12

तां उन्हा ने जाई करी प्रचार कित्तेया कि तौबा करो ते परमेश्वर का हटी आओ।

लूका 23:5

पर से होर भी जोर पाणा लगे अते बोलणा लगे, ए सारे यहूदियां बिच मणूआं जो अपणी उपदेस देई करी तिन्हा बिच दंगे करदा है अते ए सब किच्‍छ इन्ने गलील प्रदेश का सुरु कित्तेया थिया।

लूका 8:1

इसका बाद यीशु मते सहरां अते ग्रां बिच जाई-जाई करी परमेश्वर रे राज री सुब बसेख जो सुणादे रे अते तिन्हा कन्ने तिन्हेरे बाराह् चेल्‍ले भी थिये।

यूहन्ना 15:10

जे तुसा मेरे हुकमां जो मंनगे, तां मेरे प्यार बिच बणी रैहन्गे, तिय्यां ही जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रैहन्दा।

यूहन्ना 15:14

जे हुकम मैं तुसा जो दित्तेया, जे तुसा तिसजो मनगे, तां ही तुसा मेरे दोस्त हिन।

प्रेरितां रे कम्म 1:2

अपणे स्वर्ग पर चुक्के जाणे का पैल्ले तिन्हा ने अपणे चुणे रे प्रेरितां जो पवित्रात्मा री ताकत कने हुकम दित्ते।

प्रेरितां रे कम्म 10:38

परमेश्वर ने कुस तरिक्के कने नासरत कस्बे रे यीशु, जो पवित्रात्मा ते ताकत कने अभिषेक कित्तेया: से भलाई रे कम्म करदे, ते सारेयां जो जे शैतान रे सताए रे थिये, जाई-जाई करी ठीक करदे रे, किजोकी परमेश्वर तिन्हा कने थिये।

प्रेरितां रे कम्म 10:42

ते तिन्हा ने असा जो हुकम दित्तेया, कि सारे मणूआं बिच प्रचार करो, ते गवाई देयो, कि यीशु ही परमेश्वर रे पुत्तर हिन, जिन्हा जो परमेश्वर ने मरे रे लोक्कां रा फैसला करणे तांइ चुणे रा है।

1 थिस्सलुनीकियों 4:2

किजोकी तुसा जो याद है कि असी तुसा जो मसीह यीशु रे नां बिच कै सिखाए रा है।

2 थिस्सलुनीकियों 3:10

किजोकी जां असी तुसा कने रैहन्दे थिये, तां भी असा ने तुसा जो मती वरी बोल्लेया कि जे अगर कोई कम्म नी करणा चाओ तां से रोट्टी भी ना खाए।

2 थिस्सलुनीकियों 3:6

ओ संगी विश्वासियों, असी तुसा जो तिस अधिकार कने हुकम दिंदे जे असा जो प्रभु यीशु मसीह ने दित्ते रा है कि तुसा हर इक्क जणा इदेय विश्वासी का दुर रेयो जे आलस बिच जिन्दगी बितांदे ते जे तिस शिक्षा रे हिसाब कने नी चलदे जे असा ने तुसा जो सिखाए री है।

1 तीमुथियुस 6:14

कि तू पूरी तरिक्के कने तिन्हा सारी गल्लां जो मन्ने जिसेरा हुकम मैं तिज्जो दित्ते रा है ताकि मसीह यीशु रे हटणे रे दिन तिकर कोई भी तेरे पर गलत कम्म करणे रा इल्जाम ना लाई सके।