मत्ती 10:8 - चम्बयाली नौआ नियम

⁸ बिमारां जो खरा करो, मरे रेयां जो जिंदा करो, कोढ़ियां जो सुच्चा करो, दुष्टात्मा जो कड्डो तुसा जो मुफ्त बिच मिलेया है मुफ्त बिच ही देयो।

मत्ती 10:8 ပူးပေါင်းရင်းမြစ်များ

मत्ती 10:1

तां यीशु ने अपणे बारां चेल्‍लेयां जो सद्दी करी तिन्हा जो दुष्टात्मा जो बाहर निकालणे, अते हर तरह री बीमारी ते कमजोरी जो दुर करणे रा हक दित्तेया।

मत्ती 10:7

अते जांदे-जांदे तुसा ए प्रचार करी के बोलेयो, स्वर्ग रा राज नेड़े आई गे रा है।

मत्ती 10:9

अपणी कमर रे थैल्ले बिच ना तां सुन्ना, चाँदी अते ना तां तांबा रखयो,

मरकुस 16:18

तिन्हा ने अपणे हत्थां कने कीड़ेयां जो चुक्की लैणा, अते जे से जैहरील्ली चीज भी पी जान्गे तां भी तिन्हेरा कोई नुक्सान नी होणा, तिन्हा ने बिमारां पर हत्थ रखणा, ते बिमारां ठीक होई जाणा।”

लूका 10:9

तित्ते रे बिमार मणूआं जो खरा करो ते तिन्हा जो बोल्लो, कि परमेश्वर राज करणे तांइ तुसा रे नेड़े आई गे रा है

प्रेरितां रे कम्म 3:6

तां पतरस ने बोल्लेया, : चाँदी ते सोन्ना तां मेरे का नी है, पर जे मेरे का है से तेरे जो दिंदा, नासरत रे यीशु मसीह रे नां कने उठ, ते चल-फिर।

प्रेरितां रे कम्म 4:30

जिस बेल्ले ठीक करणे तांइ तुसा अपणा हत्थ बधाओ कि चिन्ह-चमत्कार ते अनौखे कम्म तुसा रे पवित्र सेवक यीशु रे नां कने कित्ते जाण।