मत्ती 10:7 - चम्बयाली नौआ नियम

⁷ अते जांदे-जांदे तुसा ए प्रचार करी के बोलेयो, स्वर्ग रा राज नेड़े आई गे रा है।

मत्ती 10:7 ပူးပေါင်းရင်းမြစ်များ

मत्ती 10:8

बिमारां जो खरा करो, मरे रेयां जो जिंदा करो, कोढ़ियां जो सुच्चा करो, दुष्टात्मा जो कड्डो तुसा जो मुफ्त बिच मिलेया है मुफ्त बिच ही देयो।

मत्ती 11:1

जां यीशु अपणे बारा चेल्‍लेयां जो हुकम देई दैणे का बाद से गलील प्रदेश रे सहरां बिच उपदेस अते प्रचार करणे जो तित्ते का चली गे।

मत्ती 21:31

इन्हा दोन्नां बिच का कुसने पिता री मर्जी पूरी कित्ती? तिन्हा ने बोल्लेया, पैल्ले मुंडे ने, यीशु ने बोल्लेया, मैं तुसा कने सच बोलदा की महसुल लैणे वाले ते वेश्या तुसा का पैल्ले स्वर्ग रे राज बिच पुजदे।

मत्ती 21:43

इसी तांइ मैं तुसा जो बोलदा की परमेश्वर रा राज तुसा का लेई लित्तेया जाणा ते इदेइ गैर यहूदी जाति जो दित्तेया जाणा जे तिसेरा फल्ल लाए।

मत्ती 23:13

ओ ढोंगी शास्त्रियों, ते फरीसी लोक्कों, तुसा पर लाणत है! तुसा लोक्कां जो स्वर्ग रे राज बिच नी जाणा दिंदे, ना तां अप्पु खुद उस बिच जांदे अते ना ही उन्हा जो जाणे दिंदे जे जाणे तांइ कोसीस करेया करदे हिन।

मत्ती 3:2

“अपणे पाप्पां का तौबा करी लेयो, किजोकी स्वर्ग रा राज नेड़े आई गे रा है।”

मत्ती 4:17

तिस बेल्ले का यीशु ने सुब बसेख रा प्रचार करणा सुरु करी दित्तेया, “पाप्पां का तौबा करी लेयो किजोकी स्वर्ग रा राज नेड़े आई गे रा है।”

मरकुस 6:12

तां उन्हा ने जाई करी प्रचार कित्तेया कि तौबा करो ते परमेश्वर का हटी आओ।

लूका 16:16

जां बपतिस्मा दैणे वाला यूहन्ना परमेश्वर रा सुब बसेख सुणादा थिया, तां तांइ मूसा रे जरिए दित्ते गेरे परमेश्वर रे कानून अते भविष्यद्वक्तां रे सुब बसेख ही मणूआं रा मार्ग दर्शन करदे रे, अवे परमेश्वर रे राज रे सुब बसेख मणूआं तांइ पूज्जेया करदी है ते तिस अन्दर जाणे तांइ मणू उताह्ल्ले होया करदे हिन।

लूका 9:2

ते तिन्हा जो परमेश्वर रे राज करणे रा सुब बसेख सारे मणूआं जो सुनाणे ते बिमार मणूआं जो खरा करणे तांइ भेज्जेया।

लूका 9:6

तां से बाराह् चेल्‍ले तित्ते का निकली करी ग्रां-ग्रां अन्दर जाई करी परमेश्वर रे राज करणे री सुब बसेख रे बारे अन्दर सुणांदे रे ते बिमार मणूआं जो खरा करदे रे

लूका 9:60

यीशु ने तिसजो बोल्लेया, मरणे वालेयां जो अपणे मुर्दे दबणा दे, किजोकी परमेश्वर रा वचन सब मणूआं तांइ है, इधेरे तांइ तेरा फर्ज ए है कि तू मणूआं जो परमेश्वर रे राज करणे रे बारे अन्दर दस्स

यूहन्ना 3:2

तिनिये रात्ती यीशु का आई करी तिन्हा जो बोल्लेया, ओ गुरु, असी जाणदे कि परमेश्वर ने तुसा जो असी लोक्कां जो सिखाणे तांइ भेज्जे रा है, किजोकी जदेय जदेय चमत्कार तुसा दिखादें, अगर परमेश्वर तुसा रे कन्ने ना हो तां नी दिखाई सकदे।

प्रेरितां रे कम्म 10:25

जां पतरस अन्दर आया करदा थिया, तां कुरनेलियुस तिन्हा का आई करी मिल्लेया, ते पैर बंदी करी तिन्हा जो प्रणाम कित्ती

प्रेरितां रे कम्म 28:31

ते जे तिसका ईन्दे थिये, से तिन्हा सबणी कने मिलदा रेया ते बगैर रोक-टोकरे बड़ा निड़र होई के परमेश्वर रे राज रा प्रचार करदा ते प्रभु यीशु मसीह री गल्लां सखांदा रेया।

प्रेरितां रे कम्म 4:2

से अधिकारी मणू बड़े गुस्से होए किजोकी चेल्‍ले लोक्कां जो मरे रे लोक्कां बिच का जिन्दा करणा जिय्यां तिन्हा ने यीशु जो फिरी जिन्दा कित्तेया थिया।