मत्ती 10:5 - चम्बयाली नौआ नियम

⁵ तिन्हा बारा जो यीशु ने ए हुकम देई करी भेजेया, गैर यहूदियां रे लोक्कां का मत जांदे, अते ना सामरिया प्रदेश बिच बड़दे।

मत्ती 10:5 ပူးပေါင်းရင်းမြစ်များ

यूहन्ना 4:9

तिस सामरिया प्रदेश री जनानी ने तिसजो बोल्लेया, तू यहूदी होई करी मेरे जदेई सामरी जनानी का पाणी किजो मगंदा?

1 थिस्सलुनीकियों 2:16

ते से असा जो गैर यहूदी लोक्कां बिच तिन्हेरे छुटकारे रा सुब बसेख बंडणे का रोकदे ताकि तिन्हेरे पाप रा घड़ा भरी जाओ, पर अवे आखिर बिच परमेश्वर तिन्हा लोक्कां जो सजा दैणे वाले हिन।

लूका 17:16

अते तिन्हेरे पैरा पर मूह् रे भारे पेया ते तिन्हेरा शुकर करणे लग्गेया कने से इक्क सामरिया प्रदेश रा मणू थिया।

प्रेरितां रे कम्म 10:45

ते जितणे लोक्कां रा खतना होये रा थिया जे पतरस कने आये थिये, से सब हैरान होई गे कि गैर यहूदियां पर भी पवित्रात्मा रा दान दित्तेया गेया।

लूका 9:2

ते तिन्हा जो परमेश्वर रे राज करणे रा सुब बसेख सारे मणूआं जो सुनाणे ते बिमार मणूआं जो खरा करणे तांइ भेज्जेया।

प्रेरितां रे कम्म 1:8

पर जां पवित्रात्मा तुसा पर आणा तां तुसा ताकत पाणी ते तुसा यरुशलेम सहर ते सारी यहूदियां प्रदेश ते सामरिया प्रदेश बिच, ते दुनिया रे हर कुणे तिकर तुसा मेरे गवाह बणना।”

यूहन्ना 20:21

तां यीशु ने तिन्हा जो फिरी बोल्लेया, तुसा जो सांती मिल्लो जिय्यां परम पिता ने मेरे जो भेज्जेया है, तिय्यां ही मैं भी तुसा जो दुनिया रे लोक्कां का भेजदा।

यूहन्ना 7:35

इस पर यहूदियां अधिकारियां ने अप्पु बिच बोल्लेया, इन्हा ने कुते जाणा कि असी इन्हा जो तोपी नी सकदे? कै ए तिन्हा यहूदी लोक्कां का जांगा जे यूनानी लोक्कां बिच तित्तर-बित्तर होई करी रैहन्दे, ते यूनानी लोक्कां जो भी उपदेस दिंगा?

यूहन्ना 4:5

इस तांइ से सुखार नां रे सामरिया प्रदेश रे इक्क ग्रां तिकर आया, जे तिस जमीन रे नेड़े है जिस जो याकूब ने अपणे निक्के यूसुफ जो दिता थिया,

लूका 10:33

पर इक्क सामरिया प्रदेश रा मणू उत्ते का जाया करदा थिया, जां तिनिए उस बचारे अध-मरे मणू जो तड़पदे दिख्खेया, तां तिसजो उस पर बड़ा तरस आया।

मत्ती 4:15

“ओ जबूलून ते नप्ताली रे इलाके बिच रैह्णे वाले लोक्कों, जे यरदन नदी रे पार, गलीली समुन्द्र रे किनारे पर रैह्णे वाले गैर यहूदी लोक,

प्रेरितां रे कम्म 8:1

शाऊल स्तिफनुस रे मारे जाणे बिच सहमत थिया। तिस्सी दिन का यरुशलेम सहर री कलीसिया पर बड़ा अत्याचार होणा सुरु होई गेया ते प्रेरितां जो छड्डी करी बाकि सारे यहूदियां ते सामरिया प्रदेश बिच बिखरी गे।

यूहन्ना 8:48

ए सुणी करी यहूदियां ने तिन्हा जो बोल्लेया, कै असी ठीक नी बोलदे कि तू सामरिया प्रदेश रा है, ते तेरे बिच दुष्टात्मा है?

यूहन्ना 4:20

असा रे पुरखे ने इसी पहाड़ पर अराधना कित्ती, ते यहूदी मणू बोलदे की जित्ते अराधना करणी चाएदी से जगाह् यरुशलेम सहर बिच है।

लूका 10:1

इन्हा गल्लां रे होणे का बाद प्रभु यीशु ने सत्तर चेल्‍ले होर चुणे ते फिरी जिस-जिस सहरां ते जगाह् पर तिन्हा अप्पु जाणा थिया, तित्ते दो-दो करी के पैल्ले तिन्हा जो भेजेया।

मत्ती 22:3

ते तिसने अपणे नौक्कर जो भेज्जेया कि सद्दे रे लोक्कां जो ब्याह री धाम बिच सद्दी लेई आए।

मरकुस 6:7

यीशु ने अपणे बारा चेल्‍लेयां जो अपणे नेड़े सद्देया ते तिन्हेरे जो दो-दो करी के भेजणा लग्गे ते उन्हा जो दुष्टात्मा पर हक्क दित्तेया।

लूका 9:1

फिरी यीशु ने अपणे बाराह् चेल्‍लेयां जो सद्देया, ते तिन्हा जो बिमारियां जो दुर करणे ते सारी दुष्टात्मा जो कडणे री ताकत ते हक दित्तेया

यूहन्ना 17:18

जिय्यां तुसा ने मेरे जो दुनिया अन्दर भेज्जेया, तिय्यां ही मैं भी इन्हा जो दुनिया अन्दर भेज्जेया।