मत्ती 1:1 - चम्बयाली नौआ नियम

¹ यीशु मसीह अब्राहम ते दाऊद राज्जे रे ‍खानदान बिच का थिये। यीशु मसीह रे गोत्रियां रे ए नां हिन,

मत्ती 1:1 ပူးပေါင်းရင်းမြစ်များ

मत्ती 1:18

यीशु मसीह रा जन्म इस तरिक्के कने होया, जां तिन्हेरी मां मरियम री मंगणी यूसुफ कने होई गई, पर ब्याह होणा का पैल्ले ही, जां हल्ले मरियम कुंवारी ही थी, से पवित्रात्मा री ताकत कने दुपराणी होई गई।

मत्ती 1:2

अब्राहम रा पुत्तर इसहाक थिया, इसहाक रा पुत्तर याकूब थिया, याकूब रा पुत्तर यहूदा अते यहूदा रे भ्याल थिये।

मत्ती 15:22

अते दिख्खो, तिस प्रदेश का इक्क कनानी जनानी आई अते चिंडा मारी के बोलणा लग्गी, ओ प्रभु, दाऊद री संतान, मेरे पर दया करो! मेरी कुड़ी जो दुष्टात्मा बड़ी तंग है करेया करदी।

मत्ती 3:16

ते यीशु बपतिस्मा लेई करी तिस्सी बेल्ले पाणी का बाहर आई गे, ते दिख्खो, तिन्हा तांइ स्वर्ग खुल्ली गेया, अते तिन्हा ने पवित्रात्मा जो इक्क कबूतर सांई उतरदे अते अपणे उपराल्ले आंदे दिख्खेया।

मत्ती 9:27

जां यीशु तित्ते का अग्गे जाणा लग्गे तां दो अन्ने तिन्हेरे पीच्छे लेरां अते ए बोलदे-बोलदे चली पे, “ओ दाऊद री औलाद, असा पर तरस खा!”

लूका 1:33

अते तिन्ने हमेसा तांइ याकूब रे ‍खानदान पर राज करणा जे इस्राएल देस है अते तिसेरा राज कदी भी नी मुकणा।

यूहन्ना 7:42

कै पवित्रशास्त्र बिच ए नी लिख्खे रा है कि मसीह ने दाऊद रे ‍खानदान, ते बैतलहम ग्रां का आणा, जित्ते दाऊद रैह्‍ंदा थिया?

प्रेरितां रे कम्म 2:30

से भविष्यद्वक्ता थिया, से जाणदा थिया कि परमेश्वर ने तिस कने वादा कित्ते रा है कि तिसेरे ‍खानदान का इक्क मणू जो तेरे गद्दी पर बैठाणा।

रोमियों 1:3

ए सुब बसेख असा रे प्रभु, मसीह यीशु रे बारे बिच है। से शारीरिक तौर पर राजा दाऊद रे ‍खानदान बिच पैदा होए थिये।

रोमियों 4:13

परमेश्वर ने अब्राहम ते तिन्हेरे ‍खानदान कने वादा कित्तेया थिया तिन्हा ने दुनिया रे वारिस होणा, परमेश्वर ने अब्राहम कने ए वादा इधेरे तांइ नी कित्तेया, किजोकी तिन्हा ने मूसा रे कानून रा पालण कित्तेया, पर इधेरे तांइ किजोकी तिन्हा ने परमेश्वर बिच विश्वास कित्तेया थिया ते इस तांइ से धार्मिक ठैहराए गे।

रोमियों 9:5

अब्राहम, इसहाक ते याकूब तिन्हेरे पुरखे हिन। ते मसीह यीशु भी इन्सानी तौर पर इक्क इस्राएली मणू थिये। परमेश्वर जो महिमा मिलदी रे जे सारेयां पर राज करदे। आमीन!

गलातियों 3:16

इसी तरिक्के कने परमेश्वर ने अब्राहम ते तिसेरी औलाद कने वादे कित्ते। परमेश्वर ने ए नी बोल्लेया, “तेरी औलाद्दां जो” जिय्यां कि मते लोक्कां रे बारे बिच बोल्ले रा भी है। पर से सिर्फ इक्क जणे रे बारे बोल्लेया करदा है जां से ए बोलदा, “तेरी औलाद जो” जे कि मसीह यीशु हिन।

1 तीमुथियुस 2:5

किजोकी सिर्फ इक्क ही परमेश्वर है ते सिर्फ इक्क ही बिचौल्ला है जे परमेश्वर ते मणूआं बिच फिरी मेल जोल कराई सकदा ते से मसीह यीशु हिन जे इक्क मणू रे रुप बिच पैदा होए थिये।

2 तीमुथियुस 2:8

मसीह यीशु पर ध्यान लाई रख्खो, से दाऊद रे ‍खानदान का जम्मे, जिन्हा जो परमेश्वर ने तिन्हा जो मरे रे लोक्कां बिच का फिरी जिन्दा करी दित्तेया, ते मैं ए ही सुब बसेख सुणांदा।

प्रकाशित वाक्य 22:16

मैं यीशु है! ते मैं ही अपणे स्वर्गदूत जो तुसा जो कलीसिया तिकर ए गल्लां दसणे तांइ भेज्जेया। मैं दाऊद राज्जे रा महान वंशज है, ते मैं ही भ्याग्गे रा सितारा है।