लूका 9:7 - चम्बयाली नौआ नियम

⁷ जां हेरोदेस राज्जे जो यीशु रे कम्मां रे बारे अन्दर पता लगेया, तां से सुणी करी बड़ा-भरी उदास होई गेया किजोकी केई मणू बोल्लदे थिये, कि ए यूहन्ना बपतिस्मा दैणे वाला है, जे कि मरी करी फिरी जिन्दा होई गे रा है।

लूका 9:7 ပူးပေါင်းရင်းမြစ်များ

मत्ती 11:2

यूहन्ना ने जेल बिच मसीह यीशु रे कम्मां री खबर सुणी करी अपणे चेल्‍लेयां जो तिन्हा का ए पूच्छणे भेजेया,

मरकुस 8:28

चेल्‍लेयां ने जवाब दित्तेया, “किच्‍छ तुसा जो यूहन्ना बपतिस्मा दैणे वाला समजदे, पर किच्‍छ ए समजदे तुसा एलिय्याह हिन, पर किच्‍छ मणू ए भी समजदे कि तुसा भविष्यद्वक्ता बिच का कोई इक्क हिन।”

लूका 13:31

तिस ही बेल्ले किच्‍छ फरीसी मणू तित्ते आई रे ते बोलणा लगे, राजा हेरोदेस अन्तिपास तुसा जो मारणा चाह्‍ंदा, इधेरे तांइ तुसा इत्ते का कुदखी होरथी चली जाओ।

लूका 21:25

सूरज, ते चाँद ते तारेयां बिच अजीब निशानियां दिसणी ते दुनिया रे देस-देस रे लोक्कां पर मुसीबतां आणी अते मणूआं ने समुन्द्रा री उथल-पुथल अते तिसेरी तबाही जो दिख्खी करी घबराई जाणा।

लूका 23:7

फिरी पिलातुस जो पता लगेया, कि ए गलील प्रदेश रा है तां तिन्ने यीशु जो हेरोदेस अन्तिपास का भेजी दित्ता, किजोकी से तिस बेल्ले यरुशलेम सहर बिच थिया।

लूका 3:1

ए तिस्स बेल्ले री गल्ल है, जिस बेल्ले तिबिरियुस सम्राट पन्द्रा साल्लां का रोम रे देस पर राज करेया करदा थिया अते तिस बेल्ले पुन्तियुस पिलातुस यहूदियां प्रदेश रा राजपाल थिया, ते हेरोदेस गलील जिल्ले अन्दर राज करदा थिया, ते तिसेरा भ्याल फिलिप्पुस जे थिया से इतूरैया अते त्रखोनीतिस नां रे प्रदेशां अन्दर राज करेया करदा थिया, ते लिसानियास अबिलेने नां रे प्रदेश अन्दर राज करदा थिया।

लूका 9:19

तिन्हा ने जवाब दित्तेया, कि किच्‍छ मणू यूहन्ना बपतिस्मा दैणे वाला बोल्दे, किच्‍छ तुसा जो एलिय्याह मन्दे, अते किच्‍छ बोल्दे, कि तुसा पुराणे बेल्ले रे भविष्यद्वक्ता बिच का कोई इक्क हिन, जे कि जिन्दा होई गे रा है।