लूका 9:5 - चम्बयाली नौआ नियम

⁵ जे तिस ग्रां रे मणू तुसा रे सुब बसेख जो नी मनगे, तां तित्ते का निकलदे बेल्ले अपणे पैरां री धूड़ झाड़ी आयो, ताकि ए तिन्हा पर गवाई होई सको कि से अपणी कित्ते री अप्पु भुगतन

लूका 9:5 ပူးပေါင်းရင်းမြစ်များ

मत्ती 10:18

तुसा जो मेरी वजह कने राज्पालां अते राज्जेयां रे सामणे लित्तेया जाणा, ताकि उन्हा पर अते गैर यहूदियां रे लोक्कां तांइ गवाह बणो।

मरकुस 6:11

जिस जगाह् रे मणू तुसा जो ना अपनाण ते तुसा री ना सूणन, उत्ते का जादें ही अपणे तलियां री धूड़ झाड़ सूट्टो ताकि ए तिन्हा लोक्कां रे खलाफ ए गवाई हो कि तिन्हा ने तुसा री गल्ल नी सूणी।”

मरकुस 9:37

“जे कोई मेरे नां कने इदेय निक्केयां बिच का इक्क जो भी अपणांदा, से मेरे जो अपणांदा, अते जे कोई मेरे जो अपणांदा, से मेरे जो नी पर मेरे भेजणे वाले जो अपणांदा।”

लूका 10:16

यीशु ने ए भी बोल्लेया, कि जे मणू तुसा री गल्लां पर विश्वास करगा, इसेरा मतलब ए होणा कि तिनिए मेरे पर भी विश्वास करी लेया, ते जे तुसा जो नक्कारी दिंदा, तिनिए मेरे जो भी नक्कारी दित्तेया, ते जे मेरे जो नक्कारी दिंदा, तिसेरा मतलब ए होणा कि तिनिए मेरे भेजणे वाले परमेश्वर जो भी नक्कारी दित्तेया।

लूका 5:14

यीशु ने तिसजो बोल्लेया, कुसकी जो भी ए मत बोलदा कि तिज्जो मैं खरा कित्ता, पर जाई करी अप्पु जो पुरोत्त का दिखा ते मूसा भविष्यद्वक्ता ने कुसकी कोढ़ी रे सुच्चा होणे तांइ जे भी कुर्बानी चढ़ाणे तांइ पवित्रशास्त्र बिच लिख्खे रा है, तिसजो चढ़ा, ताकि मणूआं जो भी पता लग्गे कि तू अवे खरा होई गेया है।

लूका 9:4

ते तुसा जिस भी ग्रां अन्दर जांह्गे, तित्ते कुसकी इक्क घर अन्दर प्रोह्णे बणी करी रेय, जां तांइ तुसा तिस ग्रां का बाहर नी आन्गे, तां तांइ तिस ही घर बिच रेयो

लूका 9:48

ते तिन्हा जो बोल्लेया, जे भी मेरे नां कने इस निक्के जो अपणाई लिंदा, से मेरे जो अपणाई लिंदा, ते जे मेरे जो अपणाई लिंदा, से परमेश्वर जो अपणाई लिंदा, जिन्हा ने मेरे जो भेज्जे रा है, किजोकी जे तुसा बिच सबणी का छोटा है, सेह्ई सबणी का बड्ड़ा है

प्रेरितां रे कम्म 13:51

तां पौलुस ते बरनबास तिन्हेरे सामणे अपणे पैरा री धूल झम्मी करी इकुनियुम सहर जो गे।

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।