लूका 9:44 - चम्बयाली नौआ नियम

⁴⁴ तुसा मेरी गल्ल ध्यान कने सुणो, किजोकी मणू रे पुत्तर, जे मैं ही है कन्ने धोखा होणे वाला है ते तिसजो तिसेरे दुश्मणा रे हत्थे पकड़वाई दित्तेया जाणा। किजोकी मणू रे पुत्तर, जे मैं ही है कन्ने धोखा होणे वाला है ते तिसजो तिसेरे दुसमणां रे हत्थे पकड़वाई दित्तेया जाणा

लूका 9:44 ပူးပေါင်းရင်းမြစ်များ

मत्ती 16:21

उस बेल्ले यीशु अपणे चेल्‍लेयां जो दस्सणा लगे, जरुरी है कि मैं यरुशलेम जो जां, ते बुजुर्ग लोक, बड्डे पुरोत्त, अते शास्त्रियां रे हत्थे बड़े दुख उठां, अते मारी दित्तेया जां, ते तिज्जे दिन जिंदा होई जां।

मत्ती 26:2

तुसा जाणदे की दो दिनां बाद फसह रे त्याहार है ते मणू रा पुत्तर, जे मैं ही है सुली पर चढ़ाए जाणे तांइ पकड़वाया जाणा।

मरकुस 8:31

तां यीशु अपणे चेल्‍लेयां जो सिखाणा लग्गे कि मणू रे पुत्तर, जे मैं ही है जरुरी है कि बड़े दुख झेल्ले, ते यहूदी मणूआं रे बुजुर्ग लोक, बड्डे पुरोत्तां, अते शास्त्रि तिसजो तुच्छ समजी करी के मारी दैण, अते से तिज्जे रोज्जे जिन्दा होई जाए।

मरकुस 9:31

किजोकी से अपणे चेल्‍लेयां जो सिखाणा चाह्‍ंदे थिये। यीशु ने अपणे चेल्‍लेयां जो बोल्लेया “मणू रा पुत्तर, जे मैं ही है लोक्कां रे हत्थां पकड़ाया जाणा, अते तिन्हा ने मेरे जो मारी रखणा अते मैं मरणे रे तिज्जे रोज्जे जिंदा होई जाणा।”

लूका 1:66

जिन्हा ने भी ए गल्ल सूणी, से अपणे मनां बिच सोचणा लगे, कि ए निक्का कदेया होणा? किजोकी इस पर तां अप्पु परमेश्वर री ताकत है।

लूका 18:31

फिरी तिन्हा ने अपणे कने बारा चेल्‍लेयां जो लित्या, अते तिन्हा जो बोल्लेया, असी यरुशलेम सहर जो जाए करदे हिन अते जिस बेल्ले असी तित्ते पूज्जणा, तां मणू रे पुत्तर, जे मैं ही है रे बारे बिच, भविष्यद्वक्ता री लिखी रियां से सारी गल्लां पूरी होणी

लूका 2:19

पर, मरियम इन्हा सबणी गल्लां जो अपणे मना बिच रख्खी करी सोचदी रेह्ई

लूका 2:51

ते फिरी से तिन्हा कने नासरत कस्बे बिच आई गे ते अपणे मां प्यो रे गलाए पर चलदे रे ते यीशु री मां ने इन्हा सब गल्लां जो अपणे मन बिच ही रख्खेया,

लूका 24:44

फिरी यीशु ने तिन्हा जो बोल्लेया, ए से गल्लां हिन जे मैं तुसा जो बोल्ली थिया, जां मैं तुसा कन्ने थिया, कि हर से गल्ल जे मेरे बारे बिच मूसा रे कानून बिच भविष्यद्वक्ता री कताबां बिच अते भजना री कताबां बिच लिख्खी दी हिन, से सब गल्लां पूरी होणी।

लूका 9:22

फिरी यीशु ने अपणे चेल्‍लेयां जो बोल्लेया, कि ए पक्की गल्ल है, कि मणू रे पुत्तर ने बड़े दुख्ख सैह्णे हिन ते बड़े-बड़े बुजुर्ग लोक, बड्डे पुरोत्त, अते यहूदी शास्त्रियां ने तिसजो नक्कारी दैणा ते मरवाई दैणा, पर तिनिए त्रीय्ये रोज्जे फिरी जिन्दे होई जाणा।

यूहन्ना 16:31

यीशु ने जवाब दित्तेया, कै तुसा अवे विश्वास करदे?

यूहन्ना 16:4

अते ए गल्लां मैं इधेरे तांइ बोल्ली कि जां से बेल्ला आये तां तुसा चेत्ता करेयो कि मैं तुसा जो इधेरे बारे बिच दस्सी दित्तेया थिया। अते ए गल्लां मैं तुसा जो सुरु बिच इधेरे तांइ नी दस्सी किजोकी मैं तुसा रे कने थिया।

यूहन्ना 19:11

यीशु ने जवाब दित्तेया, जे अगर तिज्जो परम परमेश्वर का ए हक्क नी मिलदा, तां तेरा मेरे पर कोई हक नी हुन्दा। इधेरे तांइ मेरे जो तेरे हत्थां पकड़वाए रा है, से तेरे का भी बड्डा पापी है।

प्रेरितां रे कम्म 2:23

तिस्सी यीशु जो, जे परमेश्वर री ठैहराई री योजना ते पैल्ले ज्ञान रे मुताबिक पकड़वाए गे, तुसा अधार्मिक लोक्कां री मदद कने यीशु जो पकड़वाई करी ते सुली पर चढ़वाई करी मरवाई दित्ता,

इब्रानियों 2:1

इधेरे तांइ, जे किच्‍छ असा जो सिखाए गे रा है, असा जो तिस पर बड़ा ध्यान दैणे री जरुरत है, ताकि असी भटकी ना जाए।