लूका 9:23 - चम्बयाली नौआ नियम

²³ फिरी यीशु ने तिन्हा सबणी जो बोल्लेया, जे कोई मेरा चेल्ला बणना चाह्‍ंदा, तिसजो अपणी दुख-तकलिफां जो चुक्की करी मेरे तांइ मरणे जो भी तैयार रैह्णा पैणा।

लूका 9:23 ပူးပေါင်းရင်းမြစ်များ

रोमियों 8:13

किजोकी जे अगर तुसा पाप रे स्वभाव रे काबू बिच जिन्दगी जिंगे, तां परमेश्वर का बखरे कित्ते जाणे, ते जे अगर तुसा पवित्रात्मा री ताकत कने से कम्म करणा छड्डी देयो जे पाप रे स्वभाव कने हुंदा, तां तुसा ने जीणा।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

2 तीमुथियुस 3:12

हर इक्क तिस मणू पर जुल्म कित्तेया जाणा जिनिये से कम्म करणे री कोसीस करणी जिस कने परमेश्वर खुस हुंदे ते जे मसीह यीशु बिच विश्वास करदा।

तीतुस 2:12

अपणे इस अनुग्रह कने परमेश्वर असा जो सिखांदे कि असा जो तिस तरिक्के रा बर्ताव नी करणा चाएदा जिस कने से खुस नी हुंदे। ते तिन्हा चीजां रा लालच छड्डी दैणा चाएदा जिन्हा जो अविश्वासी मणू करणा चाह्‍ंदे, ते जां तिकर असी इस दुनिया बिच रेया करदे हिन तां तांइ समजदारी ते धार्मिकता कने बर्ताव करण।

इब्रानियों 13:13

इधेरे तां, आओ, कुर्बानी चढ़ाणे री रीति-रिवाज्‍जां जो छड्डी करी, यीशु रे नेड़े आओ। ते जिय्यां तिन्हा ने बेज्जती सहन कित्ती, तिय्यां ही असी भी बेज्जती जो सहन करण।