लूका 9:22 - चम्बयाली नौआ नियम

²² फिरी यीशु ने अपणे चेल्‍लेयां जो बोल्लेया, कि ए पक्की गल्ल है, कि मणू रे पुत्तर ने बड़े दुख्ख सैह्णे हिन ते बड़े-बड़े बुजुर्ग लोक, बड्डे पुरोत्त, अते यहूदी शास्त्रियां ने तिसजो नक्कारी दैणा ते मरवाई दैणा, पर तिनिए त्रीय्ये रोज्जे फिरी जिन्दे होई जाणा।

लूका 9:22 ပူးပေါင်းရင်းမြစ်များ

मत्ती 17:12

पर मैं तुसा जो बोलदा कि एलिय्याह आई गेया है, पर मणूआं ने तिसजो पछियाणेया नी, तिन्हा ने जिय्यां चाया तिय्यां ही तिसेरे कने कित्तेया इय्यां ही मणू रे पुत्तर, जे मैं ही है ने भी दुख चुक्कणे हिन।

मत्ती 17:22

जां से गलील बिच थिये, यीशु ने तिन्हा जो बोल्लेया, मणू रा पुत्तर, जे मैं ही है मणूआं रे हत्थां पकड़वाया जाणे वाला है।

मत्ती 27:63

ओ महाराज, असा जो याद है की तिस भरमाणे वाले ने जां से जिन्दा थिया, बोल्लेया थिया, मैं मेरे मरणे रे बाद तिज्जे दिन पर जिन्दा होई जाणा।

मरकुस 8:31

तां यीशु अपणे चेल्‍लेयां जो सिखाणा लग्गे कि मणू रे पुत्तर, जे मैं ही है जरुरी है कि बड़े दुख झेल्ले, ते यहूदी मणूआं रे बुजुर्ग लोक, बड्डे पुरोत्तां, अते शास्त्रि तिसजो तुच्छ समजी करी के मारी दैण, अते से तिज्जे रोज्जे जिन्दा होई जाए।

मरकुस 9:31

किजोकी से अपणे चेल्‍लेयां जो सिखाणा चाह्‍ंदे थिये। यीशु ने अपणे चेल्‍लेयां जो बोल्लेया “मणू रा पुत्तर, जे मैं ही है लोक्कां रे हत्थां पकड़ाया जाणा, अते तिन्हा ने मेरे जो मारी रखणा अते मैं मरणे रे तिज्जे रोज्जे जिंदा होई जाणा।”

लूका 17:25

पर ए सब गल्लां होणे का पैल्ले ए जरुरी है कि मणू रा पुत्तर, जे मैं ही है जो बड़े दुख सैह्णे पैणे अते इस जुग दे मणूआं ने मेरे जो तुच्छ समझणा,

लूका 24:26

ए जरुरी थिया कि मसीह ए दुख चुक्की करी अपणी महिमा बिच आओ,

लूका 24:44

फिरी यीशु ने तिन्हा जो बोल्लेया, ए से गल्लां हिन जे मैं तुसा जो बोल्ली थिया, जां मैं तुसा कन्ने थिया, कि हर से गल्ल जे मेरे बारे बिच मूसा रे कानून बिच भविष्यद्वक्ता री कताबां बिच अते भजना री कताबां बिच लिख्खी दी हिन, से सब गल्लां पूरी होणी।

लूका 24:7

तिन्हा ने बोल्लेया थिया, कि मणू रे पुत्तर, जे मैं ही है, जो पाप्पी मणूआं रे हत्थां पकड़ाया जाणा, अते सुली पर चढ़ाया जाणा अते तिज्जे रोज्जे जिन्दा होई जाणा ए सब हुणा पक्का थिया।

लूका 9:44

तुसा मेरी गल्ल ध्यान कने सुणो, किजोकी मणू रे पुत्तर, जे मैं ही है कन्ने धोखा होणे वाला है ते तिसजो तिसेरे दुश्मणा रे हत्थे पकड़वाई दित्तेया जाणा। किजोकी मणू रे पुत्तर, जे मैं ही है कन्ने धोखा होणे वाला है ते तिसजो तिसेरे दुसमणां रे हत्थे पकड़वाई दित्तेया जाणा

1 कुरुन्थियों 15:4

ते दब्बे गे, ते पवित्रशास्त्र रे हिसाब कने परमेश्वर ने त्रिये दिन तिन्हा जो मुर्देयां बिच का जिन्दा भी करी दित्ता,

1 पतरस 1:11

मसीह री आत्‍मा तिन्हा बिच थी ते से तिन्हा जो दस्सेया करदा थिया कि किय्यां मसीह ने बड़े जुल्म सैह्‍ण करणे ते फिरी तिन्हा जो बड़ी महिमा दित्ती जाणी। इधेरे तांइ तिन्हा ने बड़ी खौजबीन कित्ती कि मसीह कुण होणा ते ए सब किच्‍छ कुस समय पर होणा।