लूका 9:20 - चम्बयाली नौआ नियम

²⁰ यीशु ने अपणे चेल्‍लेयां का पूच्छेया, पर तुसा जो कै लगदा, कि मैं कुण है? पतरस ने जवाब दित्तेया, कि असी तां तुसा जो परमेश्वर रा भेज्जे रा मसीह यीशु मन्दे

लूका 9:20 ပူးပေါင်းရင်းမြစ်များ

मत्ती 22:42

मसीह यीशु रे बारे बिच तुसा कै सोचदे कि से कुसेरा मुंडा है? तिन्हा ने तिन्हेरे जो बोल्लेया, दाऊद रा।

मत्ती 26:63

पर यीशु चुप रेय, तां प्रधान पुरोत्त ने तिन्हेरे जो बोल्लेया, मैं तेरे जो जिन्दे परमेश्वर री कसम दिंदा की जे तू परमेश्वर रा पुत्तर मसीह यीशु है तां असा कने बोल्ली दे।

मत्ती 5:47

जे तुसा सिर्फ अपणे भ्यालां जो ही नमस्ते करदे, तां कुण जदेया कोई बड्ड़ा कम्म करदे? कै गैर यहूदी रे मणू भी इय्यां ही नी करदे?

मरकुस 14:61

पर यीशु चुप्प ही रे, ते कोई जवाब नी दित्तेया। प्रधान पुरोत्त ने तिन्हा का फिरी पूच्छेया, “क्‍या तू उस परमधन्य रा पुत्तर, मसीह है?”

मरकुस 8:29

यीशु ने चेल्‍लेयां जो पूच्छेया, “पर तुसा मेरे जो कै मनदे? पतरस ने तिन्हा जो जवाब दित्तेया, तुसा मसीह हिन।”

लूका 22:67

तिन्हा ने यीशु का पूच्छेया, कि अगर तू मसीह यीशु है, तां असा जो दस्सी दे यीशु ने तिन्हा जो जवाब दित्ता, कि अगर मैं तुसा जो दस्सी भी देयां, तां भी तुसा मेरे पर विश्वास नी करणा

लूका 9:19

तिन्हा ने जवाब दित्तेया, कि किच्‍छ मणू यूहन्ना बपतिस्मा दैणे वाला बोल्दे, किच्‍छ तुसा जो एलिय्याह मन्दे, अते किच्‍छ बोल्दे, कि तुसा पुराणे बेल्ले रे भविष्यद्वक्ता बिच का कोई इक्क हिन, जे कि जिन्दा होई गे रा है।

यूहन्ना 1:41

तिसने पहले अपणे सगे भ्याल शमौन जो मिली करी तिसजो बोल्लेया, हमारे जो मसीह मिली गे।

यूहन्ना 1:49

नतनएल ने तिसजो जवाब दिता, ओ गुरु, तू परमेश्वर रा पुत्तर है, तू इस्राएल रा महाराजा है।

यूहन्ना 11:27

उन्निए तिसजो बोल्लेया, हाँ! ओ प्रभु, मैं विश्वास करदी कि परमेश्वर रा पुत्तर मसीह यीशु जे दुनिया पर आणे वाला थिया, से तू ही है।

यूहन्ना 20:31

अते जे गल्लां लिख्खी हिन, से इधेरे तांइ हिन कि तुसा विश्वास करो कि यीशु ही परमेश्वर रे पुत्तर, मसीह हिन अते इधेरे तांइ विश्वास करणे रे जरिए तुसा जो उसेरे नां बिच हमेसा री जिन्दगी मिल्लो।

यूहन्ना 4:29

आओ कने इस मणू जो दिखो जिस ने सारा किच्‍छ जे मैं अपणी जिन्दगी बिच कित्ते रा थिया मेरे जो दस्सी दित्ता, कुत्ते ए ही तां मसीह नी है?

यूहन्ना 4:42

अते तिस जनानी जो बोल्लेया, अवे असी तेरे बोलणे कने विश्वास नी करदे किजोकी असी अप्पु ही सुणी लिता कने जाणदे हिन कि ऐई सच्चो ही दुनिया छुटकारा दैणे वाले है।

यूहन्ना 7:41

दुज्जेया ने बोल्लेया, ए मसीह है पर किच्‍छ ने बोल्लेया, किजो? कै मसीह ने गलील प्रदेश का आणा?

प्रेरितां रे कम्म 17:3

ते तिन्हेरा मतलब खोली करी समझान्दा थिया, कि मसीह यीशु रा दुख उठाणा, ते मरे रे बिच का जिंदा होई जाणा जरुरी थिया, ते ऐई यीशु जिसेरी बारे बिच मैं प्रचार करेया करदा है, से ही मसीह हिन।

प्रेरितां रे कम्म 8:36

रस्ते बिच जादें-जादें से इक्क तलाब का गुजरेया करदे थिये, तां तिस किन्नर ने बोल्लेया, दिख्ख इत्ते तलाब है अवे मेरे जो बपतिस्मा लैणे बिच कै रोक है?

प्रेरितां रे कम्म 9:22

पर शाऊल होर भी जोर-शोर कने प्रचार करदा गेया ते इस गल्ल जो साबित करी के कि मसीह यीशु इत्ते ही है, दमिश्क बिच रैह्णे वाले यहूदियां रा मुँह बांद्द करदा थिया,

1 यूहन्ना 5:1

जे मणू ए विश्वास करदा कि यीशु ही मसीह हिन, से मणू परमेश्वर री औलाद ठैहरदा ते जे कोई अपणे पिता परमेश्वर कने प्यार रखदा से तिन्हेरी औलाद्दां कने भी प्यार रखदा।