लूका 9:18 - चम्बयाली नौआ नियम

¹⁸ इक्क रोज यीशु मणूआं का बखरे होई करी इक्क कह्ल्ली जगाह् बिच प्रार्थना करणे जो गे, ते तिन्हेरे सोग्गी चेल्‍ले भी थिये, तां यीशु ने तिन्हा का पूच्छेया, कि मणू मेरे बारे अन्दर कै सोचदे कि मैं कुण है?

लूका 9:18 ပူးပေါင်းရင်းမြစ်များ

मत्ती 14:23

मणूआं जो भेजणे का बाद यीशु कल्ले ही प्रार्थना करणे तांइ पहाड़ पर चली गे सांज्ज होणे तिकर से कल्ले ही थिये।

मत्ती 26:36

तां यीशु अपणे चेल्‍लेयां कने गतसमनी नां रे इक्क जगाह् पर आये ते अपणे चेल्लेया जो बोलणा लग्गे इत्ते ही बेई रेयो जां तिकर मैं तित्ते जाई करी प्रार्थना करां।

लूका 11:1

इक्क रोज यीशु इक्क जगाह् पर प्रार्थना करेया करदे थिये जां से प्रार्थना करी बैठे तां तिन्हेरे चेल्‍लेयां बिच का इक्क ने तिन्हा जो बोल्लेया, ओ प्रभु जी, जिय्यां यूहन्ना ने अपणे चेल्‍लेयां जो प्रार्थना करणा सखाए रा है, तुसा भी असा जो तिय्यां ही सिखाओ।

लूका 3:21

इय्यां होया कि जां सब जणे यूहन्ना का बपतिस्मा लेया करदे थिये तां यीशु ने भी आई करी यूहन्ना का बपतिस्मा लेया, अते जां यीशु प्रार्थना करेया करदे थिये, तां स्वर्ग खुली गेया।

लूका 6:12

फिरी इक्क रोज यीशु प्रार्थना करणे तांइ पहाड़ पर चढ़ी गे, अते सारी रात परमेश्वर का प्रार्थना करदे रे।

लूका 9:19

तिन्हा ने जवाब दित्तेया, कि किच्‍छ मणू यूहन्ना बपतिस्मा दैणे वाला बोल्दे, किच्‍छ तुसा जो एलिय्याह मन्दे, अते किच्‍छ बोल्दे, कि तुसा पुराणे बेल्ले रे भविष्यद्वक्ता बिच का कोई इक्क हिन, जे कि जिन्दा होई गे रा है।

लूका 9:28

इन्हा गल्लां रे कोई आठ्ठ रोज्जां बाद यीशु अपणे कन्ने पतरस, याकूब, ते यूहन्ना जो लेई करी प्रार्थना करणे तांइ इक्क पहाड़ पर गे।

लूका 9:29

प्रार्थना करदे-करदे यीशु रा रुप ही बदली गेया ते तिन्हेरे कपड़े लस्कदे-गाढ़े चिट्टे रांग रे होई गे