लूका 9:16 - चम्बयाली नौआ नियम

¹⁶ फिरी यीशु ने तिन्हा पंज रोटियां ते दो मच्छियाँ जो हत्थां पर रख्खेया ते स्वर्ग पास्से दिख्खी करी परमेश्वर रा शुकर कित्तेया ते फिरी तिन्हा रोटियां जो तोड़ी-तोड़ी करी मणूआं जो दैणे तांइ अपणे चेल्‍लेयां का दिन्दे गे

लूका 9:16 ပူးပေါင်းရင်းမြစ်များ

मत्ती 14:19

यीशु ने लोक्कां री भीड़ जो बोल्लेया कि तुसा घा बिच बेई जाओ फिरी यीशु ने पंज रोटियां ते दो मच्छियाँ जो लेया ते स्वर्ग पास्से दिख्खी करी परमेश्वर रा शुकर कित्तेया अते रोटियां रे टुकड़े तोड़ी-तोड़ी करी चेल्‍लेयां जो दित्ती अते चेल्‍लेयां ने मणूआं बिच बंड्डी दित्ती।

मत्ती 15:36

ते तिन्हा सत्त रोटियां अते मच्छियाँ जो लेया अते शुकर करी के तोड़ेया, ते अपणे चेल्‍लेयां जो दिदें गे ते चेल्‍ले मणूआं जो।

मरकुस 7:34

ते स्वर्ग रे पास्से दिख्खी करी साह् भरे, अते तिस मणू जो बोल्लेया, “इफ्त्तह” “मतलब खुली जा!”

लूका 22:19

फिरी यीशु ने रोट्टी जो पकड़ी करी परमेश्वर रा सुक्र कित्ता अते तोड़ी करी चेल्‍लेयां जो देई दित्ती अते बोल्लेया कि, ए मेरा जिस्म है, जे तुसा तांइ दित्ता गे रा है: मेरे जो याद करणे तांइ तुसा इय्यां ही करेया करो

लूका 24:30

जां यीशु तिन्हा कने रोट्टी खाणे जो बैठ्ठे तां तिन्हा ने रोट्टी चुक्की अते परमेश्वर रा शुकर कित्ता फिरी तिसजो तोड़ी करी तिन्हा जो दित्ती

लूका 9:15

चेल्‍लेयां ने तिय्यां ही कित्ता, ते सब मणू भुईय्याँ बैह्ई गे

लूका 9:17

जां सब जणे रज्जी करी खाई बैठ्ठे, तिसेरे बाद भी चेल्‍लेयां ने बचे री रोटियां रे बाराह् टोकरे भरी करी रख्खे

यूहन्ना 6:11

तां यीशु ने रोटियां लित्ती ते शुक्रिया करी के बैणे बाले जो बन्ड़ी दित्तीयां ते तिय्यां ही मच्छियाँ जितणी से चाह्‍ंदे थिये बन्डी दितियां।

यूहन्ना 6:23

तां बाकि किस्तियां, गलीली समुन्द्र रे किनारे बसे रे इक्क सहर तिबिरियुस बिच तिस जगाह् पर आई, जित्ते तिन्हा ने प्रभु रा शुकर करणे का बाद रोट्टी खाई थी।

प्रेरितां रे कम्म 27:35

ए बोल्ली करी तिनिए रोट्टी लेई करी सबणा रे सामणे परमेश्वर रा धन्नवाद कित्तेया ते रोट्टी भन्नी करी खाणा लग्गेया।

रोमियों 14:6

जे अगर कोई मणू कुसकी दिन जो मनदा, ता से प्रभु जो आदरमान दैणे तांइ मनदा। जे अगर कोई मणू मांस-मच्छी खांदा, ता से प्रभु जो आदरमान दैणे तांइ खांदा, किजोकी से परमेश्वर रा शुकर करदा, ते अगर कोई मणू साग पात खांदा, ता से भी प्रभु जो आदरमान दैणे तांइ खांदा, ते परमेश्वर रा शुकर करदा।

1 कुरुन्थियों 10:30

जे अगर मैं परमेश्वर रा शुक्रिया करी के से रोट्टी खांदा, तां तिस रोट्टी री वजह कने मेरे पर इल्जाम किजो लाया जांदा जिसेरे तांइ मैं परमेश्वर रा शुक्रिया कित्तेया?

1 कुरुन्थियों 11:24

ते परमेश्वर रा शुक्रिया करी के तोड़ी ते बोल्लेया, “ए मेरा सरीर है जे तुसा तांइ है मेरी याद बिच इय्यां ही करेया करो।”