लूका 9:11 - चम्बयाली नौआ नियम

¹¹ पर मणूआं जो पता लग्गी गेया ते से भी तिन्हेरे पीच्छे चली पे यीशु ने तिन्हेरा सुआगत कित्तेया ते यीशु ने तिन्हा जो परमेश्वर रे राज करणे रे बारे अन्दर दस्सेया अते जे ठीक होणा चाह्‍ंदे थिये तिन्हा मणूआं जो खरा कित्तेया

लूका 9:11 ပူးပေါင်းရင်းမြစ်များ

मत्ती 12:15

पर यीशु ए जाणी गे अते तित्ते का चली गे बड़े भरी लोक्की तिन्हेरे पीच्छे चली पेह् अते यीशु ने तिन्हा सबनियां जो खरा कित्तेया,

मत्ती 14:14

यीशु जां किस्ती का निकली करी बन्ने आये तां तिन्हा लोक्कां री बड़ी बड्डी भीड़ दिख्खी तिन्हा जो तिन्हा पर बड़ा तरस आया ते तिन्हा ने बमारा जो खरा कित्तेया।

मत्ती 21:31

इन्हा दोन्नां बिच का कुसने पिता री मर्जी पूरी कित्ती? तिन्हा ने बोल्लेया, पैल्ले मुंडे ने, यीशु ने बोल्लेया, मैं तुसा कने सच बोलदा की महसुल लैणे वाले ते वेश्या तुसा का पैल्ले स्वर्ग रे राज बिच पुजदे।

मत्ती 21:43

इसी तांइ मैं तुसा जो बोलदा की परमेश्वर रा राज तुसा का लेई लित्तेया जाणा ते इदेइ गैर यहूदी जाति जो दित्तेया जाणा जे तिसेरा फल्ल लाए।

लूका 1:53

तिन्हा ने भुख्खेयां जो खरी खरी चीजां कने रजाया, पर अमीरां जो खाली हत्थ हटाई दित्तेया,

लूका 5:31

यीशु ने तिन्हा जो जवाब दित्तेया, जिय्यां मरीजाँ जो ही हकीम अते वैद्दां री जरुरत हुंदी, ते जे भले-चन्गे हिन, तिन्हा जो नी, तिय्यां ही पापी मणूआं जो ही पाप माफ कराणे री जरुरत है ना कि भले अते नेक मणूआं जो

लूका 8:1

इसका बाद यीशु मते सहरां अते ग्रां बिच जाई-जाई करी परमेश्वर रे राज री सुब बसेख जो सुणादे रे अते तिन्हा कन्ने तिन्हेरे बाराह् चेल्‍ले भी थिये।

लूका 8:10

तिन्हा ने अपणे चेल्‍लेयां जो बोल्लेया, तुसा जो परमेश्वर रे राज री राज़ री गल्लां समजणे री अक्कल दित्ती गे री है, पर होर लोक्कां जो उदारणां बिच सुणाया जादां, ताकि से दिख्खी करी भी दिख्खी ना सकण, ते से सुणी करी भी समजी ना सकण

लूका 9:10

जां प्रेरित हटी आए, तां जे किच्‍छ तिन्हा ने कित्तेया थिया, से सब गल्लां यीशु जो दस्सियाँ ते यीशु अपणे चेल्‍लेयां जो तित्ते का छामत-चारे बैतसैदा नां रे सहर बिच लेई गे।

लूका 9:12

जिस बेल्ले सांज्ज होणा लग्गी तां चेल्‍लेयां ने यीशु जो आई करी बोल्लेया, इन्हा मणूआं जो नेड़े, कुसकी ग्रां-पदरा अन्दर भेजी देयो, ताकि से तित्ते रेई सकण ते अप्पु तांइ रोट्टी रा इन्तजाम करी सकण किजोकी ए इलाका सुनसान है जित्ते रैह्णे-खाणे तांइ किच्‍छ भी नी है

लूका 9:2

ते तिन्हा जो परमेश्वर रे राज करणे रा सुब बसेख सारे मणूआं जो सुनाणे ते बिमार मणूआं जो खरा करणे तांइ भेज्जेया।

यूहन्ना 4:34

यीशु ने तिन्हा जो बोल्लेया, मेरी रोट्टी से है कि परमेश्वर जिन्हा ने मेरे जो भेज्जे रा है, तिन्हेरी मर्जी रे हिसाब कने चलां ते तिसेरा कम्म पूरा करां।

यूहन्ना 6:37

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

प्रेरितां रे कम्म 28:31

ते जे तिसका ईन्दे थिये, से तिन्हा सबणी कने मिलदा रेया ते बगैर रोक-टोकरे बड़ा निड़र होई के परमेश्वर रे राज रा प्रचार करदा ते प्रभु यीशु मसीह री गल्लां सखांदा रेया।

रोमियों 10:14

“पर इसका पैल्ले की मणू प्रभु रा नां लेई करी तिन्हा का मदद मंगी सके, तिन्हा जो प्रभु बिच विश्वास करणा जरुरी है; ते इसका पैल्ले कि से तिन्हा बिच विश्वास करी सके, तिन्हा जो प्रभु रे बारे बिच सुनणा जरुरी है, ते इसका पैल्ले कि से प्रभु रे बारे बिच सूणन, कुसकी जो तिन्हा लोक्कां जो प्रभु रे बारे बिच दसणा जरुरी है।”

रोमियों 10:17

सुब बसेख जो सुनणे कने विश्वास हुंदा, अते सुब बसेख मसीह रे बारे बिच है।

रोमियों 15:3

किजोकी मसीह यीशु ने अपणे आप जो खुस नी कित्तेया, पर जिय्यां पवित्रशास्त्र बिच लिख्खे रा है: “जिन्हा लोक्कां ने तेरी बेज्जती कित्ती, तिन्हा ने मेरी भी बेज्जती कित्ते री है।”

2 तीमुथियुस 4:2

कि तू परमेश्वर रे बसेख रा प्रचार कर, ते चाए हालात ठीक होण या बुरे, हर बेल्ले प्रचार करणे तांइ तैयार रे, जरुरी है कि तू तिन्हा जो दस्से कि तिन्हा ने कै गलती कित्ते री है, ते तेरे जो तिन्हा जो तिन्हेरे पाप्पां तांइ बकणा जरुरी है। पर तेरे जो लोक्कां जो बड़े सबर कने सिखांदे होए प्रोत्साहित करणा भी जरुरी है।

इब्रानियों 4:16

आओ, असी बगैर कुसकी डर रे परमेश्वर रे सामणे आए, ताकि परमेश्वर असा पर दया ते अनुग्रह करे, ते असा जो जरुरत पैणे पर असा री मदद भी करण।