लूका 8:7 - चम्बयाली नौआ नियम

⁷ किच्‍छ कंडेया वाली झिल्लां बिच पे अते झिल्लां भी तिन्हा कने बदधी पेई ते झिल्लां ने तिन्हा जो दब्बी दित्तेया

लूका 8:7 ပူးပေါင်းရင်းမြစ်များ

मत्ती 13:22

जे भी झिल्लां बिच पेया थिया, ए से हिन, जे वचना जो सूणदे, पर इस दुनिया री फिकरां अते पैसेयां रा लालच वचनां जो दबी रखदा, अते से कामयाब नी हुन्दे।

मत्ती 13:7

अते किच्‍छ झिल्लां बिच पे, अते से बदधे तां बदधे पर झिल्ला ने तिन्हा जो दब्बी दित्तेया।

मरकुस 4:7

किच्‍छ झाड़ियां बिच पे ते झाड़ियां ने बदधी करी से बीह् दब्बी दित्ते, ते से बीह् फली नी सके।

लूका 21:34

ध्यान रख्खो, ताकि तुसा रे मन डटी करी पीणे अते पियाणे तांइ अते इस दुनिया री चिन्ता जो लेई करी बेफिक्करे नी होई जाए कुदखी इय्यां ना हो कि जे तुसा सोच्चे दा भी नी हो से तुसा कन्ने होई जाओ।

लूका 8:14

जे बीह् झिल्लां अन्दर पे थिये, से तिन्हा मणूआं सांई हिन जे वचनां जो सुणी तां लिन्दे पर जां से अपणे ही रस्ते चलदे तां दुनियावी फिकर, धन-दौलत, जिन्दगी रा सुख, इन्हा सब चीजां रे हेठ दबी जान्दे, ते इन्हा सब गल्लां कने से अपणे विश्वास अन्दर नी बदधी पांदे

लूका 8:6

अते किच्‍छ पथरिली मिट्टी पर पे, जिस बेल्ले से बधणा लगे तां तिन्हा बीआं जो खरा-करी पाणी नी मिल्लेया अते से सुकी गे

लूका 8:8

होर किच्‍छ बीह् ठीक मिट्टी पर पे अते उगी करी से सौ गुणा फले ए बोल्ली करी यीशु ने जोरे-सणे बोल्लेया, जे सुनणा चाए, से ध्यान कने सुणे!