लूका 8:32 - चम्बयाली नौआ नियम

³² तिस्सी जगाह् सूअरां रा इक्क झुण्ड घा चरेया करदा थिया तिन्हा ने छंदे कित्ते कि असा जो इन्हा सूअरां रे अन्दर जाणा देयो, ते यीशु ने तिन्हा जो सूअरां अन्दर जाणा दित्तेया

लूका 8:32 ပူးပေါင်းရင်းမြစ်များ

मत्ती 7:6

“तिन्हा लोक्कां जो परमेश्वर री गल्लां मत सुणाओ जे मणू सुनणा नी चाह्‍ंदे, किजोकी जे अगर तुसा इय्यां करदे तां ए पवित्तर चीजां कूत्तेयां या सूअरां रे मुहाग्गर सुटणे रे बराबर होणा, जिन्हा तिसजो अपणे पैरां कने मसल्ली करी तुसा पर हमला करणा।”

लूका 8:31

से यीशु रे छंदे करेया करदी थिया कि असा जो पताल बिच जाणे रा हुकम मत दिन्दे।

लूका 8:33

तां से दुष्टात्मा तिस मणू का निकली करी तिन्हा सूअरां अन्दर चली गेईयां ते से झुण्ड तिस ढ़लान का दौड़दा झील पर जाई पेया ते डूबी गेया

यूहन्ना 19:11

यीशु ने जवाब दित्तेया, जे अगर तिज्जो परम परमेश्वर का ए हक्क नी मिलदा, तां तेरा मेरे पर कोई हक नी हुन्दा। इधेरे तांइ मेरे जो तेरे हत्थां पकड़वाए रा है, से तेरे का भी बड्डा पापी है।

1 यूहन्ना 4:4

ओ प्यारे बच्चेयों, तुसा परमेश्वर रे मणू हिन, तुसा तिन्हा झूठ्ठे भविष्यद्वक्तां पर जीत हासिल कित्ते री है, किजोकी पवित्रात्मा जे तुसा बिच बसदी से शैतान का जादा ताकतवर है जे इस दुनिया रे लोक्कां पर राज करदा।

प्रकाशित वाक्य 20:7

जां हजार साल पूरे होई जाणे तां शैतान कैद का छड्डी दित्तेया जाणा। तिनिए तिन्हा जातियां जो जे धरती रे चारो पास्से होणी, मतलब गोग ते मागोग जो जिन्हेरी गिनती समुंदर री रेत जिन्नी होणी, भड़काई करी लड़ाई करणे तांइ कठ्ठा करणे जो निकलणा।